Salmos 24:1-10
-
Ku yokol le rey jach yaan u páajtaliloʼ
-
‹Le luʼumoʼ u tiaʼal Jéeoba› (1)
-
Le kʼaayaʼ David tsʼíibte.
24 Le luʼum yéetel tuláakal baʼax chupmiloʼ u tiaʼal Jéeoba,+bey xan le yóokʼol kaab yéetel tuláakal le baʼax kajaʼanoʼ.
2 Letiʼ beet u pʼáatal le luʼum tu yóokʼol le kʼáaʼnáaboʼ,+tu beetaj u yantal tu yóokʼol le ríoʼoboʼ.
3 ¿Máax jeʼel u páajtal u naʼakal teʼ montaña tuʼux yaan Jéeobaoʼ?+
¿Máax jeʼel u páajtal u waʼatal teʼ lugar santo tuʼux yanoʼ?
4 Letiʼe máak mix baʼal kʼaas ku beetik yéetel mix baʼal kʼaas yaan tu puksiʼikʼaloʼ,+le máax maʼatech u meyajtiʼ u kʼaabaʼ Dios utiaʼal u jurartik junpʼéel baʼal maʼ jaajoʼ,le máax ku yaʼalik u jaajil kéen u jurart junpʼéel baʼaloʼ.+
5 Le máak beyoʼ yaan u bendecirtaʼal tumen Jéeoba,+yaan u beetaʼal justicia tiʼ tumen le Dios salvarkoʼ.+
6 U Dios Jacob, bey le clase máakoʼob kaxtikechoʼ,bey le clase máakoʼob kaxtik u yantaloʼob maʼalob ta táanoʼ. (Séla)
7 Joonajeʼex, líiʼs a paakateʼex,+úuchben joonajeʼex, jeʼekʼabtabaʼexutiaʼal u yokol le Rey jach yaan u páajtaliloʼ.+
8 ¿Máax le Rey jach yaan u páajtaliloʼ?
Jéeoba, le máax jach yaan u muukʼ yéetel u poderoʼ,+Jéeoba, le máax jach u yojel baʼateloʼ.+
9 Joonajeʼex, líiʼs a paakateʼex,+úuchben joonajeʼex, jeʼekʼabtabaʼexutiaʼal u yokol le Rey jach yaan u páajtaliloʼ.
10 ¿Máax túun le Rey jach yaan u páajtaliloʼ?
Jéeoba, le máax gobernartik le ángeloʼoboʼ, letiʼ le Rey jach yaan u páajtaliloʼ.+ (Séla)
