Salmos 31:1-24
Utiaʼal máax ku nuʼuktaj. Le kʼaayaʼ David tsʼíibte.
31 Jéeoba Dios, tiʼ teech kin kʼubik in wóol.+
Maʼ a chaʼik in pʼáatal ich suʼtsilil.+
Techeʼ justoech, salvarteniʼ.+
2 Chʼenxikinteniʼ.*
Koʼoten tu séebaʼanil a salvarten.+
Pʼáatkech bey junpʼéel montaña tuʼux jeʼel u páajtal in taʼakikinbaeʼ,*junpʼéel maʼalob lugar utiaʼal in salvarkinba.+
3 Beyech junpʼéel nuxiʼ tuunicheʼ, junpʼéel maʼalob lugar utiaʼal in taʼakikinba,+yaan a nuʼuktiken+ yéetel yaan a kanáantken tu yoʼolal a kʼaabaʼ.+
4 Yaan a salvarken tiʼ le trampa taʼakaʼan teʼ bej tuʼux kin máanoʼ,+tumen teech kanáantken.+
5 Ta kʼab kin pʼatik in kuxtal.+
Jéeoba Dios, techeʼ chúukaʼan a wóol a beet baʼax toj,+ tsʼoʼok a salvarken.
6 In pʼekmaj le máaxoʼob u kʼubmaj u yóoloʼob tiʼ imagenoʼob mix baʼal u biilaloʼoboʼ,tumen teneʼ tiʼ Jéeoba in kʼubmaj in wóol.
7 Yaan u jach kiʼimaktal in wóol tumen maʼ ken a pʼaten,tsʼoʼok a wilik baʼax ku yúuchulten,+jach a wojel baʼax kin muʼyajtik.
8 Maʼ a kʼuben tu kʼab le máax pʼekmilenoʼ,baʼaxeʼ tsʼoʼok a beetik in waʼatal tiʼ junpʼéel lugar seguro.
9 Jéeoba Dios, chʼaʼten óotsilil tumen táan in muʼyaj.
Le baʼax kin muʼyajtikoʼ tsʼoʼok u kʼojaʼankúuntik in wichoʼob+ bey xan tuláakal in wíinklil.+
10 Le baʼax ku yúuchultenoʼ táan u xuʼulsik in kuxtal.+
Le baʼax kin muʼyajtikoʼ táan u kóomkintik in kuxtal.+
Le baʼax maʼ maʼalob in beetmoʼ táan u beetik u pʼáatal minaʼan in muukʼ,tsʼoʼok tak u pʼáatal minaʼan u muukʼ in baakeloʼob.+
11 Ku yaʼalaʼalten baʼal tumen le máaxoʼob pʼekmilenoʼ,+maases tumen le máaxoʼob kajaʼanoʼob naatsʼoʼ.
Le máaxoʼob u kʼaj óolenoʼoboʼ saajkoʼobten,jeʼel tuʼuxak ka u yilenoʼobeʼ ku yáalkaboʼob.+
12 Tsʼoʼok u luʼskenoʼob ichil u puksiʼikʼaloʼob,* tsʼoʼok u tuʼubsikenoʼob, hasta bey tsʼoʼok in kíimileʼ.
Beyen junpʼéel jarro* paʼapajaʼaneʼ.
13 Tsʼoʼok in wuʼuyik baʼaxoʼob ku yaʼalaʼal tin contra,jeʼel tuʼuxak ka in sutinbaeʼ yaan baʼax sajakkúuntken.+
Le kéen u muchʼubaʼob tin contraeʼku chʼaʼtuklikoʼob bix jeʼel u kíimskenoʼobeʼ.+
14 Pero teneʼ, tiʼ teech kin kʼubik in wóol Jéeoba Dios.+
Kin waʼalik: «Teech in Dios».+
15 In kuxtaleʼ tiaʼan ta kʼabeʼ.
Maʼ a pʼatken tu kʼab in enemigoʼob mix tu kʼab le máaxoʼob chʼaʼpachtikenoʼ.+
16 Eʼes a wutsil tiʼ le máax meyajtikechoʼ.+
Salvarten tu yoʼolal a nojoch yaabilaj.
17 Jéeoba Dios, maʼ a chaʼik in pʼáatal ich suʼtsilil kéen in kʼáattech áantaj.+
Letiʼe kʼasaʼan máakoʼob ka pʼáatkoʼob ich suʼtsililoʼ.+
Xiʼikoʼob teʼ Muknal* utiaʼal u makik u chiʼoboʼ.+
18 Mudochajak* le máaxoʼob ku tuusoʼoboʼ,+le máaxoʼob yoʼolal bix u tʼaanoʼob ku yeʼeskoʼob kaʼanal u yichoʼob yéetel ku taaskoʼob mix baʼalil le máaxoʼob ku beetkoʼob baʼax maʼaloboʼ.
19 ¡Jach táaj nojoch a wutsil!+
Ka weʼesik a wutsil tiʼ le máaxoʼob meyajtikechoʼ.+
Tu táan u maasil máakoʼobeʼ ka weʼesik a wutsil tiʼ le máaxoʼob ku natsʼkubaʼob tiʼ techoʼ.+
20 Utiaʼal maʼ u beetaʼal mix baʼal tiʼobeʼ yaan a biskoʼob ta wiknal,+tiʼ junpʼéel lugar chéen teech a wojel tuʼux yaan.
Yaan a taʼakikoʼob tiʼ junpʼéel lugar seguroutiaʼal maʼ u beetaʼaltiʼob mix baʼal kʼaas.+
21 Alabartaʼak Jéeobatumen teʼ kʼiin baʼpachtaʼan le kaaj+ tuʼux yanenoʼ tu beetaj nukuch baʼaloʼob utiaʼal u yeʼesikten u nojoch yaabilaj.+
22 Tumen jach saajken kaʼacheʼ, tin waʼalaj:
«Tu táan a wich kin kíimil».+
Chéen baʼaleʼ techeʼ ta wáanten ka ta wuʼuyaj táan in kʼáatiktech áantaj.+
23 ¡Yaabiltaʼak Jéeoba tumen le máaxoʼob adorarkoʼ!+
Jéeobaeʼ ku kanáantik le máaxoʼob maʼ tu náachtaloʼob tiʼ letiʼoʼ,+pero ku tsʼáaik baʼax ku merecertik le máax nojbaʼal u taaskubaoʼ.+
24 Teʼex a kʼubmaj a wóoleʼex tiʼ Jéeobaeʼ+maʼ a sajaktaleʼex yéetel maʼ u péek u yóol a puksiʼikʼaleʼex.+
Notas
^ Wa «Chinaba utiaʼal a wuʼuyiken».
^ Wa «in balikinbaeʼ».
^ Wa «u tuukuloʼob».
^ Wa «pʼúul».
^ Ilawil página 2572.
^ Wa «Tootchajak».
