Salmos 33:1-22
33 Teʼex ka beetkeʼex baʼax maʼalobeʼ, awatnakeʼex yéetel kiʼimak óolal tu yoʼolal Jéeoba.+
Maʼalob ka alabartaʼak tumen le máaxoʼob toj u kuxtaloʼoboʼ.
2 Paxeʼex le chan arpa utiaʼal a tsʼáaikeʼex gracias tiʼ Jéeobaoʼ,paxeʼex le nuxiʼ arpa utiaʼal a alabarkeʼex yéetel kʼaayoʼoboʼ.
3 Kʼayeʼex junpʼéel túumben kʼaay tiʼ letiʼ.+
Paxeʼex le arpa u maas maʼalobil ku páajtaloʼ, awatnakeʼex yéetel kiʼimak óolal.
4 Jéeobaeʼ toj baʼax ku yaʼalik,+jeʼel u páajtal u kʼubik u yóol máak tiʼ tuláakal baʼax ku beetkeʼ.
5 Letiʼeʼ u yaabiltmaj baʼax toj bey xan baʼax maʼalob.+
Le luʼumoʼ chuup yéetel u nojoch yaabilaj Jéeoba.+
6 Ka tu yaʼalaj Jéeoba ka yanak le kaʼanoʼ, yanchaji,+ka tʼaanajeʼ, yanchaj tuláakal baʼal teʼ kaʼanoʼ.
7 Letiʼeʼ ku kʼalik u paach le kʼáaʼnáaboʼ.+
Kex táan u woʼoltikuba le jaʼoʼ ku tsʼáaik tuʼux unaj u yantal.
8 Adorartaʼak Jéeoba tumen tuláakal yóokʼol kaab.+
Respetartaʼak tumen u kajnáaliloʼob luʼum.
9 Ka tʼaanajeʼ tuláakal baʼal yanchaji,+ka tʼaanajeʼ pʼáat tuláakal baʼal tuʼux unaj u yantal.+
10 Jéeobaeʼ maʼ u chaʼa u jóokʼol le kaajoʼob yéetel le baʼax ku tuklikoʼoboʼ.+
Tsʼoʼok u jubik baʼax taak u beetik le kaajoʼoboʼ.+
11 Pero le baʼax ku chʼaʼtuklik Jéeobaoʼ mix máak jeʼel u kʼaskúuntikeʼ.+
Le baʼaxoʼob yaan tu puksiʼikʼaloʼ maʼ tu kʼexpajal kex jeʼel jaypʼéel generación ka máankeʼ.
12 Kiʼimak u yóol u kaajal Jéeoba Dios,+le kaaj tsʼoʼok u yéeyik u tiaʼalintoʼ.+
13 Jéeobaeʼ ku paakat desde teʼ kaʼanoʼ,ku yilik tuláakal máak.+
14 Desde teʼ tuʼux yanoʼ,ku jach ilik u kajnáaliloʼob yóokʼol kaab.
15 Letiʼ beetik u puksiʼikʼal tuláakal máak,ku jach ilik tuláakal baʼax ku beetik máak.+
16 Mix juntúul rey ku salvarkuba chéen tumen yaʼab u soldadoʼob.+
Juntúul máax yaan páajtalil tiʼeʼ maʼ tu salvarkuba chéen yéetel le páajtalil yaantiʼoʼ.+
17 Chéen kunel ka u tukult máak yaan u salvartaʼal tumen u tsiimin,+kex jach yaan u muukʼ le tsíiminoʼ maʼ seguro u salvartik máakiʼ.
18 U jaajileʼ Jéeobaeʼ mantatsʼ táan u paktik le máaxoʼob meyajtikoʼ,+letiʼobeʼ táan u páaʼtkoʼob u yeʼesaʼal nojoch yaabilaj tiʼob,
19 utiaʼal u salvartaʼaloʼob tiʼ le kíimiloʼ,utiaʼal maʼ u kíimloʼob tu kʼiinil wiʼijil.+
20 Táan k-páaʼtik baʼax ken u beet Jéeoba.
Letiʼ áantkoʼon, bey junpʼéel escudo k-tiaʼaleʼ.+
21 Kiʼimak u yóol k-puksiʼikʼal tu yoʼolal letiʼ,k-kʼubik k-óol tiʼ u kʼaabaʼ tumen santo.+
22 Jéeoba Dios, maʼ u xuʼulul a weʼesiktoʼon a nojoch yaabilaj,+tumen táan k-páaʼtik a wáantkoʼon.+
