Salmos 44:1-26
Utiaʼal máax ku nuʼuktaj. Maskil. Le kʼaayaʼ u paalal Coré+ tsʼíibte.
44 In Dios, tsʼoʼok k-jach uʼuyik u tsikbaltik k-láakʼtsiloʼoble bukaʼaj baʼaloʼob ta beetaj úuchjeakiloʼ,+le baʼaloʼob ta beetaj tu kʼiiniloʼoboʼ.
2 Yéetel a podereʼ ta jóoʼsaj le kaajoʼob tuʼux kajaʼanoʼob+ kaʼachoʼka ta tsʼáaj tiʼ a kaajal utiaʼal ka kajlakiʼ.+
Mix junpʼéel kaaj pʼáat waʼatal ta táan, ta láaj jóoʼsoʼob.+
3 Maʼ chéen tumen u yojloʼob baʼateʼel tu chʼaʼajoʼob le luʼumoʼ,+mix xan tumen jach yaan u muukʼoʼobiʼ.+
Baʼaxeʼ ganarnajoʼob tu yoʼolal a poder,*+ tu yoʼolal a muukʼ yéetel tumen tiaʼanech tu yéeteloʼobeʼ,techeʼ ta weʼesaj bukaʼaj a yaabiltmiloʼob.+
4 In Dios, teech in Rey.+
Beet u ganar Jacob.
5 Yéetel a podereʼ yaan k-chʼaʼpachtik le máaxoʼob pʼekmiloʼonoʼ.+
Ta kʼaabaʼeʼ yaan k-yayaʼchaʼatik le máaxoʼob ku líikʼloʼob t-contraoʼ.+
6 Teneʼ maʼ tin kʼubik in wóol tiʼ in espada mix tiʼ in arco,in wojel maʼ tu páajtal u salvarkenoʼob.+
7 Teech salvartoʼon tiʼ k-enemigoʼob,+ta mixbaʼalkúuntaj le máaxoʼob pʼekmiloʼonoʼ.
8 In Dios, bul kʼiin ken k-alabartech,mantatsʼ ken k-alabart a kʼaabaʼ. (Séla)
9 Pero beoraaʼ tsʼoʼok a xúumpʼatkoʼon, tsʼoʼok a mixbaʼalkúuntikoʼon,kéen xiʼikoʼon baʼateleʼ maʼatech a bin t-éetel.
10 Ka beetik u jóokʼol k-áalkab tu táan k-enemigoʼob.+
Le máaxoʼob pʼekmiloʼon túunoʼ ku chʼaʼikoʼob jeʼel baʼaxak u kʼáatoʼobeʼ.
11 Ka kʼubkoʼon tu kʼab k-enemigoʼob, letiʼobeʼ yaan u kíimskoʼonoʼob jeʼex u kíimsaʼal tamanoʼobeʼ.
Tsʼoʼok a kʼiʼitbeskoʼon ichil le kaajoʼoboʼ.+
12 Jach barato a konik a kaajal,+mix baʼal ka náajaltik.
13 Ka beetik u yaʼalaʼaltoʼon baʼal tumen le máaxoʼob kajaʼanoʼob naatsʼ tiʼ toʼonoʼ,k-burlartaʼal yéetel k-cheʼejtaʼal tumen le máaxoʼob kajaʼanoʼob naatsʼoʼ.
14 Ka beetik u yaʼalaʼaltoʼon baʼal tumen le kaajoʼoboʼ,+ku burlarkoʼonoʼob, hasta táan u piʼikʼtik u pooloʼob.
15 Kin wuʼuyik bul kʼiin táan in mixbaʼalkúuntaʼalyéetel jach táaj suʼlaken,
16 letiʼobeʼ táan u burlarkenoʼob yéetel u pochʼkenoʼobtumen táan u vengarkuba k-enemigoʼob tiʼ toʼon.
17 Kex tsʼoʼok u taal t-óokʼol tuláakal le baʼaloʼobaʼ, toʼoneʼ maʼ k-tuʼubsechiʼ,maʼ k-tuʼubs xan le pacto ta beetaj t-éeteloʼ.+
18 K-puksiʼikʼaleʼ maʼ u sut u paach tiʼ techiʼ.
Toʼoneʼ maʼ jóokʼkoʼon tiʼ a beeliʼ.
19 Kex beyoʼ tsʼoʼok a pechʼikoʼon teʼ tuʼux kajaʼan le chacaloʼoboʼ,*tsʼoʼok a pixkoʼon yéetel éeʼjochʼeʼenil.
20 Wa tsʼoʼok u xuʼulul u meyajtoʼon u kʼaabaʼ Dios,yéetel wa tsʼoʼok k-líiʼsik k-kʼab utiaʼal k-orar tiʼ yaanal dioseʼ,
21 ¿maʼ wa ken u yil Dios leloʼ?
Letiʼeʼ u yojel baʼax yaan tu tsʼuʼ u puksiʼikʼal máak.+
22 Ikil k-meyajtikecheʼ bul kʼiin tiaʼanoʼon tu táan kíimileʼ.
K-ilaʼal bey tamanoʼon utiaʼal kíimsbileʼ.+
23 Yuum Jéeoba, ¿baʼaxten bey táan a weenleʼ?+
Aajkech utiaʼal a wáantkoʼon. Maʼ a xúumpʼatkoʼon junpuliʼ.+
24 ¿Baʼaxten ka beetik bey maʼ ta wilkoʼoneʼ?
¿Baʼaxten chéen ta wilik bix u beetaʼaltoʼon loob yéetel bix u beetaʼal k-muʼyaj?
25 Tsʼoʼok k-lúuʼsaʼal tak luʼum.
Tiʼ pekekbaloʼon teʼ luʼumoʼ.+
26 ¡Líiʼkech utiaʼal a wáantkoʼon!+
Salvartoʼoniʼ tumen techeʼ nojoch a yaabilaj.+
Notas
^ Ich hebreoeʼ ku yaʼalaʼal kaʼach «a x-noʼoj kʼab».
^ Juntúul baʼalcheʼ chíikaʼan tiʼ chʼomak.
