Salmos 7:1-17
-
Jéeobaeʼ juntúul maʼalob Juez
-
‹Jéeoba Dios, juzgarteniʼ› (8)
-
Lelaʼ letiʼe kʼaay tu tsʼíibtaj David tiʼ Jéeoba tumen yaachajaʼan u yóol yoʼolal le baʼax aʼalaʼabtiʼ tumen Cus, le benjaminitaoʼ.
7 Yuum Jéeoba, in Dios, ta wiknal kin natsʼkinba,+salvarten tiʼ tuláakal le máaxoʼob chʼaʼpachtikenoʼ.+
2 Wa maʼeʼ yaan u xeʼexetʼkenoʼob jeʼex u beetik juntúul leóneʼ,+jíitbil ken u bisenoʼob, mix máak kun salvarken.
3 Yuum Jéeoba, in Dios, wa tiʼ teen yaan u culpail,wa maʼ patal baʼax tsʼoʼok in beetik,
4 wa tsʼoʼok in beetik kʼaas tiʼ máax ku beetikten uts,+wa tsʼoʼok in luʼsik tiʼ in enemigo baʼax u tiaʼal kex minaʼan baʼax oʼolaleʼ,
5 u chʼaʼpachten juntúul in enemigo yéetel ka u chukpachten,ka u yayaʼchaʼaten teʼ luʼumoʼyéetel tiʼ ka u pʼaten pektal kimeneniʼ. (Séla)
6 Kiʼichkelem Yuum Jéeoba, líiʼkech ichil a pʼujaʼanil.
Waʼalakech tu contra in enemigoʼob pʼujaʼanoʼoboʼ.+
Líiʼkech ka a wáanten, aʼal ka beetaʼak justicia.+
7 Ka yanak le kaajoʼob ta baʼpachoʼ,yéetel ka a juzgartoʼob desde teʼ kaʼanoʼ.
8 Jéeobaeʼ yaan u yaʼalik baʼax castigoil kun taal yóokʼol le kaajoʼoboʼ.+
Jéeoba Dios, kéen a juzgarteneʼ chʼaʼ en cuenta le baʼax maʼalob kin beetkoʼbey xan bix chúukaʼanil in wóol in beet baʼax maʼalob.+
9 Beet uts a xuʼulsik tiʼ le baʼaloʼob maʼ maʼalobtak ku beetik le kʼasaʼan máakoʼoboʼ.
Pero beet u pʼáatal utiaʼal mantatsʼ le máax ku beetik baʼax maʼaloboʼ,+tumen techeʼ, in Dios, justoech,+ ka xakʼaltik u puksiʼikʼal máak+ yéetel ka wilik jach bix u yuʼubikuba máak.+
10 Dioseʼ bey junpʼéel escudo in tiaʼaleʼ,+ letiʼ salvartik le máaxoʼob uts u puksiʼikʼaloʼoboʼ.+
11 Dioseʼ juntúul Juez ku beetik baʼax toj,+mantatsʼ ku yaʼalik baʼax kun úuchul tiʼ le kʼasaʼan máakoʼoboʼ.
12 Wa yaan máax maʼ tu arrepentireʼ,+ Dioseʼ ku jóoʼsik u yej u espada+yéetel ku listokíintik u arco.+
13 Letiʼeʼ ku listokíintik le armaʼob ku kíimsik máakoʼ,ku listokíintik le flechaʼob yaan u kʼáakʼiloʼoboʼ.+
14 Letiʼeʼ ku yilik le máax ku tuklik u beetik baʼax kʼaasoʼ,le máax ku tuklik bix jeʼel u beetik u yantal problemas yéetel chéen tuus ku beetkoʼ.+
15 Le kʼasaʼan máakoʼ ku páanik junpʼéel jool jach taam,pero letiʼ ku lúubul ichil le jooloʼ.+
16 Le problemas ku beetik u yantaloʼ yaan u suut tu yóokʼol,+le kʼaas ku beetkoʼ yaan u lúubul tu yóokʼol.
17 Yaan in alabartik Jéeoba tumen ku beetik justicia,+yaan in kʼaay* utiaʼal in alabartik u kʼaabaʼ Jéeoba,+ le Maas Nojoch Diosoʼ.+
Notas
^ Wa «in paax».
