•  U tʼaaniloʼob u káajbal 2

•  Jatsʼuts baʼaloʼob k-kanik teʼ Bibliaoʼ 3-5

  •  Discurso 3

  •  Baʼax jeʼel u páajtal k-kanikeʼ 4

  •  U xookil le Bibliaoʼ 5

•  Kaʼansajnakoʼon maʼalob 6-14

  •  Káajs a tsikbal 7

  •  Beet revisitaʼob 8

  •  Beet discípuloʼob 9

  •  Tsol baʼax ka creertik 10

  •  Discurso 11

  •  Tuʼux kun chʼaʼabil le informaciónoʼ 12

  •  Bix jeʼel u máansaʼal junpʼéel jaatseʼ 13

  •  Bix unaj u meyaj le videoʼob yéetel le publicaciónoʼoboʼ 14

•  Kuxlakoʼon jeʼex Cristoeʼ 15, 16

  •  U xookil le Biblia teʼ múuchʼuliloʼ 16

•  U tʼaaniloʼob u tsʼoʼokbal 17

•  Tsolnuʼuk yéetel u líiʼsaʼal u yóol máak 18

•  Tiempo 19

•  Superintendente tiʼ circuito 20

•  U semanail le asambleaoʼ 21

•  U semanail le Kʼaʼajsajiloʼ 22

•  U superintendenteil le muchʼtáambal Kuxtal yéetel Meyajoʼ 23

•  Le sukuʼun nuʼuktik le muchʼtáambaloʼ 24

•  Máax tsʼáaik consejo 25

•  Sala B 26

•  Videoʼob 27

1. Le baʼax ku yaʼalaʼal teʼelaʼ yaan u yáantik le máaxoʼob ku táakpajloʼob teʼ muchʼtáambal Kuxtal yéetel Meyaj jeʼex Cristoeʼ. Utiaʼal u yilik máak bix unaj u máansik le jaats tocado tiʼoʼ unaj u xakʼaltik le U juʼunil xookoʼ bey xan le baʼax ku yaʼalaʼal teʼelaʼ. Unaj u animartaʼal tuláakal le publicadoroʼob utiaʼal ka táakpajkoʼob teʼ jaatsoʼob utiaʼal u maas kanik máak kʼaʼaytajoʼ. Le máaxoʼob suuk u binoʼob muchʼtáambaloʼ jeʼel xan u páajtal u táakpajloʼob wa ku creerkoʼob baʼax ku yaʼalik le Biblia bey xan wa ku beetkoʼob le baʼax ku kankoʼoboʼ. Wa juntúul máax maʼ publicador ku yaʼalik taak u máansik junpʼéel jaatseʼ, u superintendenteil le muchʼtáambal Kuxtal yéetel Meyajoʼ unaj u xakʼaltik le requisitos tu yéeteloʼ. Le kéen tsʼoʼokkeʼ unaj u yaʼaliktiʼ wa jeʼel u páajtaleʼ wa maʼ. Lelaʼ unaj u beetaʼal tu táan le máax tsʼáaik xooktiʼoʼ (wa tu táan u papá wa u maama ku meyajtik Jéeoba). Le requisitosoʼ letiʼe ku kʼáatal xan tiʼ le máaxoʼob taak u jóokʼloʼob kʼaʼaytaj kex maʼ okjaʼanakoʼoboʼ (od xook 8 párr. 8).

2. Junpʼéel minuto. Kéen tsʼoʼokok le kʼaay bey xan le oraciónoʼ, le sukuʼun nuʼuktik le muchʼtáambaloʼ yaan u jáan aʼalik jujunpʼéel tiʼ le baʼaxoʼob maas kʼaʼanaʼantak kun kanbiloʼ.

 3. Discurso (10 minutos). Meyajnaktech U juʼunil xook utiaʼal a wilik u kʼaabaʼ le discurso bey xan le baʼaxoʼob ken a tsoloʼ. Le jaatsaʼ unaj u máansaʼal tumen juntúul anciano wa juntúul siervo ministerial maʼalob u kaʼansaj. Cada ken káajak u xakʼaltaʼal junpʼéel u libroil le Bibliaoʼ yaan xan u tsʼaʼabal chaʼantbil u videoil. Le máax kun máansik le discursooʼ jeʼel u páajtal u chʼaʼchiʼitik jujunpʼéel baʼaxoʼob aʼalaʼab teʼ videooʼ. Chéen baʼaleʼ jach unaj u yilik u tsolik tuláakal le baʼaxoʼob ku taasik U juʼunil xookoʼ. Ichil le tiempo tsʼaʼan tiʼ máakoʼ maʼalob ka u yil u meyajtiʼ le dibujoʼob yéetel le cuadros tsʼaʼanoʼob utiaʼal u maas naʼataʼal le baʼax ku xakʼaltaʼaloʼ. Wa yaan uláakʼ baʼaloʼob ta xakʼalxoktaj jeʼel u yáantkech a tsol le puntos ku taasik le discursooʼ jeʼel u páajtal a chʼaʼchiʼitikeʼ.

 4. Baʼax jeʼel u páajtal k-kanikeʼ (10 minutos). Xakʼalxook yéetel kʼáatchiʼob. Le jaatsaʼ unaj u káajsaʼal juntaatsʼ, mix baʼal uláakʼ unaj u tsoʼolol tu káajbal mix tu tsʼoʼokbal. Unaj u máansaʼal tumen juntúul anciano wa juntúul siervo ministerial maʼalob u kaʼansaj. Le sukuʼunoʼ unaj u meyajtiʼ le kaʼapʼéel kʼáatchiʼob ku taasik le jaatsaʼ. Tsʼoʼoleʼ letiʼ xan kun ilik wa yaan u xoʼokol le tekstoʼoboʼ. Cada comentarioeʼ unaj u beetaʼal ich 30 segundos wa menos.

 5. U xookil le Bibliaoʼ (4 minutos). Le jaatsaʼ unaj u máansaʼal tumen juntúul xiib. Unaj u káajsaʼal juntaatsʼ, mix baʼal uláakʼ unaj u tsoʼolol tu káajbal mix tu tsʼoʼokbal. Le sukuʼun nuʼuktik le muchʼtáambaloʼ letiʼ unaj u yáantik cada sukuʼun utiaʼal ka u naʼat le baʼax ken u xokoʼ, ka u xok jach jeʼex tsʼíibtaʼaniloʼ, maʼ u tʼiʼilil u xook, ka u kʼex u séebil bey xan u kʼaʼamil u tʼaan yéetel ka uʼuyaʼak bey junpʼéel tsikbaleʼ. Yaan kʼiineʼ u xookil le Bibliaoʼ chowak wa yaan horaeʼ kóom, le oʼolaleʼ u superintendenteil le muchʼtáambal Kuxtal yéetel Meyajoʼ tu yorail u asignartik le jaatsaʼ unaj u chʼaʼik en cuenta bix u xook le sukuʼunoʼoboʼ.

6. Quince minutos. Le jaatsaʼ beetaʼan utiaʼal u ensayartik máak bix jeʼel u kʼaʼaytajeʼ, yéetel bix jeʼel u maas maʼalobkíintik bix u tsikbaleʼ bey xan u kaʼansaj. Wa kʼaʼabéeteʼ tak le ancianoʼob jeʼel u páajtal u máanskoʼob junpʼéel tiʼ le jaatsoʼobaʼ. Cada juntúul j-xoknáaleʼ unaj u chʼaʼik en cuenta le xook wa le punto asignado tiʼ le folleto Kaʼansaj wa Eʼes yaabilajoʼ, lelaʼ tiaʼan ich paréntesis tiʼ U juʼunil xookoʼ. Yaan kʼiineʼ junpʼéel jaatseʼ ku yaʼalik ka xakʼaltaʼak yéetel le muchʼukbaloʼoboʼ, le jeʼelaʼ unaj u máansaʼal tumen juntúul anciano wa juntúul siervo ministerial maʼalob u kaʼansaj (ilawil le párrafo 15 ku tsolik bix u máansaʼal le jaatsoʼob ku xakʼaltaʼal yéetel le muchʼukbaloʼoboʼ).

 7. Káajs a tsikbal: Le jaatsaʼ jeʼel u páajtal u máansaʼal tumen juntúul xiib wa tumen juntúul koʼoleleʼ. Le máax kun áantkoʼ kʼaʼabéet u yéet xiibil wa u yéet koʼolelil, wa maʼ beyoʼ kʼaʼabéet juntúul u láakʼtsil. Le máaxoʼob kun máansikoʼ jeʼel u páajtal u waʼataloʼob wa u kutaloʼobeʼ (utiaʼal a wilik tuʼux ken a chʼaʼ le información yéetel bix ken a máansiloʼ ilawil le párrafo 12 yéetel 13).

 8. Beet revisitaʼob: Le jaatsaʼ jeʼel u páajtal u máansaʼal tumen juntúul xiib wa tumen juntúul koʼoleleʼ. Le máax kun áantkoʼ kʼaʼabéet u yéet xiibil wa u yéet koʼolelil (km-S 5/97 pág. 2). Le máaxoʼob kun máansik le jaatsaʼ jeʼel u páajtal u waʼataloʼob wa u kutaloʼobeʼ. Le máax kun máansikoʼ yaan u yeʼesik baʼax jeʼel u páajtal u yaʼalik máak ken suunak u xíimbalt le máax yéetel yáax tsikbalnajoʼ (utiaʼal a wilik tuʼux ken a chʼaʼ le información yéetel bix ken a máansiloʼ ilawil le párrafo 12 yéetel 13).

 9. Beet discípuloʼob: Le jaatsaʼ jeʼel u páajtal u máansaʼal tumen juntúul xiib wa tumen juntúul koʼoleleʼ. Le máax kun áantkoʼ kʼaʼabéet u yéet xiibil wa u yéet koʼolelil (km-S 5/97 pág. 2). Le máaxoʼob kun máansik le jaatsaʼ jeʼel u páajtal u waʼataloʼob wa u kutaloʼobeʼ. Le máax kun máansikoʼ unaj u beetik bey tsʼoʼok u káajal le xookoʼ. Unaj u káajsaʼal juntaatsʼ, mix baʼal uláakʼ unaj u tsoʼolol tu káajbal mix tu tsʼoʼokbal, chéen baʼaleʼ wa le j-xoknáal táan u meyaj tiʼ junpʼéel tiʼ le baʼaloʼobaʼ unaj u beetik. Cada máak ken u yéey wa yaan u láaj xokik le párrafosoʼ.

 10. Tsol baʼax ka creertik: Wa junpʼéel discursoeʼ yaan u máansaʼal tumen juntúul xiib. Wa junpʼéel demostracióneʼ jeʼel u páajtal u máansaʼal tumen juntúul xiib wa juntúul koʼoleleʼ. Le máax kun áantkoʼ kʼaʼabéet u yéet xiibil wa u yéet koʼolelil, wa maʼ beyoʼ kʼaʼabéet juntúul u láakʼtsil. U suukileʼ u kʼaabaʼ le jaatsaʼ junpʼéel pregunta. Utiaʼal u núukik máakeʼ kʼaʼabéet u kanáantik baʼax ken u yaʼale yéetel u yilik ka séeb naʼataʼak. U núukil le preguntaoʼ kʼaʼabéet u kaxtaʼal teʼ referencia ku taaskoʼ. Le máax kun máansik le jaatsoʼ letiʼ kun ilik wa yaan u chʼaʼchiʼitik u kʼaabaʼ le referenciaoʼ wa maʼ.

 11. Discurso: Le jaatsaʼ yaan u tsʼaʼabal tiʼ juntúul xiib, letiʼeʼ yaan u máansik jeʼex suukil u máansaʼal junpʼéel discursoeʼ. Wa teʼ jaats utiaʼal xakʼalxook 1 yaan teʼ folleto Eʼes yaabilaj kun chʼaʼabil le baʼax kun tsolbiloʼ, le máax kun máansik le jaatsaʼ yaan u yeʼesik bix jeʼel u meyajtoʼon le tekstoʼob teʼ kʼaʼaytajoʼ. Por ejemploeʼ jeʼel u páajtal u tsolik baʼax u kʼáat u yaʼal junpʼéel versículoeʼ, baʼax súutukil jeʼel u meyajtoʼoneʼ yéetel bix jeʼel u meyajtoʼon utiaʼal k-áantik juntúul máak u naʼat junpʼéel baʼax ku kaʼansik le Bibliaoʼ. Wa le baʼax kun aʼalbil yaan u jóoʼsaʼal tiʼ junpʼéel tiʼ le puntos ku taasik junpʼéel xook tiʼ le folleto Eʼes yaabilajoʼ, le máax kun máansikoʼ yaan u tsolik bix jeʼel u meyajtoʼon teʼ kʼaʼaytajoʼ. Wa maʼalob u yilkeʼ jeʼel u páajtal xan u meyajtiʼ le ejemplo ku taasik le punto 1, wa jeʼel u páajtal u meyajtiʼ le uláakʼ tekstoʼob ku taasik le xookoʼ.

 12. Tuʼux kun chʼaʼabil le informaciónoʼ: Le baʼax ku yaʼalaʼal teʼ párrafoaʼ yaan u meyaj utiaʼal le jaats «Káajs a tsikbal» yéetel «Beet revisitaʼob». Wa maʼ tu yaʼalaʼal yaanal baʼaleʼ, le máax kun máansik le jaatsaʼ yaan u yeʼesik bix jeʼel u kaʼansik máak junpʼéel baʼax ku yaʼalik le Biblia taak u yojéeltik u yuumil najoʼ. Tsʼoʼoleʼ yaan u tsʼáaik tuʼux u kaʼa tsikbal yéetel le máakoʼ. Le máax kun máansikoʼ unaj u tʼaan tiʼ junpʼéel baʼax ku yúuchul yéetel jeʼel u yáantik le máakoʼob teʼ tuʼux kajaʼanoʼ. Letiʼ ken u chʼaʼtukult wa yaan u yeʼesik junpʼéel publicación wa junpʼéel video yaan ichil le nuʼukuloʼob ku meyaj utiaʼal kaʼansajoʼ (kit de enseñanza). Tu lugar u kanik de memoriail le baʼax ken u yaʼaloʼ maas maʼalob ka u kan bix jeʼel u tsikbal jeʼex suukil u beetkeʼ yéetel ka tʼaanak tiʼ le baʼax jeʼel u taaktal u yuʼubaʼal tumen le máakoʼoboʼ.

 13. Bix jeʼel u máansaʼal junpʼéel jaatseʼ: Le máax kun máansik le jaatsoʼ yaan u máansik jeʼex u yaʼalik le U juʼunil xookoʼ, chéen baʼaleʼ yaan u chʼaʼik en cuenta bix kuxlik le máakoʼob teʼ territorio. Por ejemploeʼ:

1.  (1) Joonaj joonajil: Ichil le clase kʼaʼaytajaʼ táakaʼan a tsikbal yéetel u yuumil naj tu yotoch en personail, tiʼ teléfono wa tiʼ carta. Táakaʼan xan a kaʼa tsikbal yéetel juntúul máax tsʼoʼok a yáax tsikbal tu yéetel teʼ kʼaʼaytaj joonaj joonajiloʼ.

2.  (2) Kʼaʼaytajnen jeʼel baʼaxak súutukileʼ: Ichil le clase kʼaʼaytajaʼ táakaʼan u aprovechartik máak jeʼel baʼaxak súutukil utiaʼal u kʼaʼaytaj mientras táan u beetik uláakʼ wa baʼaxeʼ. Por ejemploeʼ jeʼel u páajtal u meyajtech baʼax ku yaʼalik junpʼéel teksto utiaʼal a tsikbal yéetel wa máax teʼ tuʼux ka meyajoʼ, teʼ escuelaoʼ, teʼ tuʼux kajaʼanechoʼ, teʼ camión tuʼux ka viajaroʼ wa jeʼel tuʼuxak yanecheʼ.

3.  (3) Kʼaʼaytaj tuʼux yaan yaʼab máak: Ichil le clase kʼaʼaytajaʼ táakaʼan u kʼaʼaytaj máak yéetel le carritoʼoboʼ, teʼ negocioʼoboʼ, teʼ calleʼoboʼ, teʼ parqueʼoboʼ, teʼ estacionamientoʼoboʼ wa tiʼ uláakʼ lugaroʼob tuʼux yaʼab u máan máak.

 14. Bix unaj u meyaj le videoʼob yéetel le publicaciónoʼoboʼ: Yaan horaeʼ letiʼe j-xoknáal kun chʼaʼtuklik wa yaan u meyajtiʼ junpʼéel video wa junpʼéel publicaciónoʼ. Yaan hora xaneʼ deporsi ku yaʼalaʼal teʼ jaats ka meyajnak junpʼéel videooʼ. Jeʼel bixakeʼ maʼ ken u chaʼantoʼob, chéen yaan u beetik bey tu chaʼantoʼobeʼ, tsʼoʼoleʼ ku tsikbaltikoʼob le baʼax yaan teʼ videooʼ.

15. Le jaatsaʼ yaan u káajal yéetel junpʼéel kʼaay. Teʼ yáax 15 minutosoʼ yaan u máansaʼal junpʼéel wa kaʼapʼéel mejen jaatsoʼob utiaʼal u yilik máak bix jeʼel u tsʼáaik ichil u kuxtal le baʼax ku kanikoʼ. Wa maʼ tu yaʼalaʼal yaanal baʼaleʼ, le jaatsoʼobaʼ unaj u máansaʼal tumen juntúul anciano wa juntúul siervo ministerial maʼalob u kaʼansaj. Le jaats «Baʼax kʼaʼabéet tiʼ le múuchʼuliloʼ», chéen unaj u máansaʼal tumen ancianoʼob. Wa junpʼéel jaats yaan u xakʼaltaʼal yéetel le muchʼukbaloʼoboʼ, le sukuʼunoʼ jeʼel u páajtal u beetik uláakʼ preguntaʼob minaʼan teʼ xookoʼ. Utiaʼal ka yanak tiempo u xakʼaltik le baʼaloʼob maas importanteʼob bey xan utiaʼal ka yanak tiempo u comentar le sukuʼunoʼoboʼ maʼ unaj u sen aʼalik yaʼab baʼaloʼob tu káajbaliʼ. Wa ku páajtaleʼ le kéen entrevistartaʼak wa máaxeʼ tu lugar u beetaʼal desde teʼ tuʼux kulukbaloʼ maas maʼalob ka naʼakak teʼ plataformaoʼ.

 16. U xookil le Biblia teʼ múuchʼuliloʼ (30 minutos). Unaj u máansaʼal tumen juntúul anciano maʼalob u kaʼansaj. (Teʼ múuchʼuliloʼob tuʼux maʼ yaʼab ancianoʼob yanoʼ, jeʼel u páajtal u máansaʼal tumen juntúul siervo ministerial maʼalob u kaʼansajeʼ). Letiʼe múuchʼ ancianoʼob ken u yiloʼob máaxoʼob jeʼel u béeytal u nuʼuktikoʼob le xookaʼ. Kʼaʼabéet maʼ u máan u tiempo, ka u yéey le tekstoʼob kun xokbiloʼ yéetel ka u yáant le muchʼukbaloʼob u yiloʼob u kʼaʼanaʼanil le xookoʼ. Utiaʼal leloʼ jach maʼalob ka u xakʼaltoʼob le xook tuʼux ku tsoʼolol bix unaj u nuʼuktaʼal le jaatsoʼob ku taasik preguntaʼoboʼ (w23.04 pág. 24, cuadro). Wa tsʼoʼok u láaj xakʼaltaʼal le párrafos kun ilbil teʼ jaatsaʼ, maʼ tsaaj u tsoʼolol u maasil baʼaloʼob chéen utiaʼal u chukik le 30 minutosoʼ. Wa ku béeytaleʼ cada semanaeʼ maʼalob ka nuʼuktaʼak yéetel ka xoʼokok le párrafos tumen yaanal sukuʼunoʼoboʼ. Wa le sukuʼun nuʼuktik le muchʼtáambal ku yilik unaj u kóomkintaʼal le jaatsaʼ, yaan u yaʼalik tiʼ le sukuʼun nuʼuktik le xookoʼ utiaʼal ka u yil bix ken u xotʼil u tiempo. Maʼ xaaneʼ jeʼel u páajtal u yaʼalik maʼ u xoʼokol jujunpʼéel párrafoseʼ.

17. Óoxpʼéel minutos. Le sukuʼun nuʼuktik le muchʼtáambaloʼ yaan u tʼaan tiʼ le baʼaxoʼob maas kʼaʼanaʼantak ilaʼaboʼ yéetel yaan u chʼaʼchiʼitik jujunpʼéel baʼaloʼob kʼaʼanaʼantak kun ilbil tuláakʼ semanaoʼ. Wa yaan tiempoeʼ jeʼel u páajtal u yaʼalik máaxoʼob kun táakpajloʼob tuláakʼ semanaoʼ. Wa maʼ tu yaʼalaʼal yaanal baʼaleʼ, teʼ súutukaʼ tiʼ unaj xan u xoʼokol le anuncioʼob jach kʼaʼanaʼantakoʼob bey xan le cartaʼob túuxtaʼan tiʼ le múuchʼuliloʼ. Uláakʼ baʼaloʼob jeʼex le kʼaʼaytaj yéetel le limpiezaoʼ, maʼ unaj u yaʼalaʼal teʼ plataformaoʼ, baʼaxeʼ unaj u tsʼaʼabal teʼ tablerooʼ. Wa yaʼab le cartaʼob yéetel le anuncioʼoboʼ, le sukuʼun nuʼuktik le muchʼtáambaloʼ yaan u yaʼalik tiʼ le sukuʼunoʼob ka u xotʼ u tiempoʼob teʼ jaats «Kuxlakoʼon jeʼex Cristoeʼ» (ilawil párrafo 16 yéetel 19). Le muchʼtáambaloʼ yaan u tsʼoʼokol yéetel kʼaay bey xan yéetel oración.

18. Kéen tsʼoʼokok cada junpʼéel tiʼ le jaats ku tsʼaʼabal tiʼ le j-xoknáaloʼoboʼ, le sukuʼun nuʼuktik le muchʼtáambaloʼ, ichil junpʼéel minuto wa menoseʼ, yaan u felicitartik le j-xoknáaloʼ yéetel yaan u tsʼáaik consejo tiʼ. Le baʼax ken u yaʼaloʼ unaj u chʼaʼik tiʼ le baʼax ku yaʼalik u xookil le folleto ku chʼaʼchiʼitaʼal teʼ jaatsoʼ. Cada ken u yaʼal máax kun máansik le jaatsoʼ maʼ unaj u yaʼalik tiʼ baʼax puntoil táan u meyaj le j-xoknáaloʼ. Chéen baʼaleʼ kéen tsʼoʼokok u máansaʼal le jaatsoʼ le sukuʼunoʼ yaan u felicitartik le j-xoknáaloʼ yéetel jeʼel u páajtal u yaʼalik tiʼ baʼax xookil táan u meyajeʼ, yaan xan u yaʼaliktiʼ baʼaxten maʼalob le bix tu máansil le jaatsoʼ, tsʼoʼoleʼ yéetel utsileʼ yaan u yaʼaliktiʼ tiʼ baʼax kʼaʼabéet u maas meyaj yéetel bix jeʼel u páajtal u maas maʼalobkíintikeʼ. Wa ku yilik jeʼel u yáantik le j-xoknáal wa le muchʼukbaloʼoboʼ jeʼel xan u páajtal u yaʼalik uláakʼ baʼaloʼob tu yilaj maʼalob beetaʼabikeʼ. Wa yaan uláakʼ tuʼux maas kʼaʼabéet u meyajeʼ, kéen tsʼoʼokok le muchʼtáambal wa tiʼ uláakʼ súutukileʼ jeʼel u páajtal u yaʼaliktiʼ yéetel yaabilajeʼ. Utiaʼal leloʼ jeʼel u páajtal u meyajtiʼ le xook tuʼux táan u meyaj le j-xoknáaloʼ wa uláakʼ tiʼ le xookoʼob ku taasik le folleto Eʼes yaabilajoʼ, le folleto Kaʼansajoʼ wa le libro Escuela utiaʼal k-Kaʼansajoʼ (le párrafo 19, 24 yéetel 25, ku maas tsolik baʼax meyajil ku beetik le sukuʼun nuʼuktik le muchʼtáambal Kuxtal yéetel Meyajoʼ bey xan le máax tsʼáaik consejooʼ).

19. Mix junpʼéel jaats unaj u máan u tiempoil (mix le tʼaanoʼob ken u yaʼal le sukuʼun nuʼuktik le muchʼtáambaloʼ). Kex le U juʼunil xook ku yaʼalik bukaʼaj tiempo unaj u máansaʼal cada jaatseʼ, wa tsʼoʼokech antes tiʼ le tiempo tsʼaʼantechoʼ maʼ kʼaʼabéet a waʼalik u maasil baʼaloʼob chéen utiaʼal a chukik le tiempo aʼalaʼan unaj a máansikoʼ. Wa juntúul máax ku máan u tiempoeʼ, u superintendenteil le muchʼtáambal Kuxtal yéetel Meyajoʼ wa le máax tsʼáaik consejooʼ kʼaʼabéet u tʼaan tu yéetel junpáayil (ilawil párrafo 24 yéetel 25). Tuláakal le muchʼtáambaloʼ unaj u xáantal junpʼéel hora yéetel 45 minutos, ichileʼ táakaʼan tak le kʼaayoʼob bey xan le oraciónoʼoboʼ.

20. Kéen xíimbaltaʼak le múuchʼulil tumen le superintendente tiʼ circuitooʼ yaan u máansaʼal le jaatsoʼob ku taasik le U juʼunil xookoʼ. Chéen baʼaleʼ tu lugar u máansaʼal «U xookil le Biblia teʼ múuchʼuliloʼ», le superintendente tiʼ circuitooʼ yaan u máansik junpʼéel discurso de 30 minutos. Táanil tiʼ lelaʼ, le sukuʼun nuʼuktik le muchʼtáambaloʼ yaan u kʼaʼajsik baʼaxoʼob ilaʼabi yéetel baʼaxoʼob kun ilbil tuláakʼ semanaoʼ, yaan xan u xokik le anuncioʼob, le cartaʼob kʼaʼanaʼantakoʼ yéetel letiʼ xan ken u yaʼal bix u kʼaabaʼ le discurso ken u máans le superintendente tiʼ circuitooʼ. Kéen tsʼoʼokok le discursooʼ, le superintendente tiʼ circuitooʼ yaan u tsʼoʼoksik le muchʼtáambal yéetel le kʼaay u yéeymoʼ. Tsʼoʼoleʼ jeʼel u páajtal xan u invitartik uláakʼ sukuʼun utiaʼal u beetik u oraciónil u tsʼoʼokbaleʼ. Kéen xíimbaltaʼak le múuchʼuliloʼ maʼ unaj u máansaʼal uláakʼ jaatsoʼob teʼ sala B. Wa yaan junpʼéel grupo ichil uláakʼ idiomaeʼ jeʼel u páajtal u beetik u muchʼtáambaloʼob jeʼex suukileʼ. Chéen baʼaleʼ unaj u múul uʼuyikoʼob le discurso ken u máans le viajanteoʼ.

21. Tu semanail le asamblea tiʼ circuito wa asamblea regionaloʼ maʼ tun antal muchʼtáambal. Kʼaʼabéet u kʼaʼajsaʼal tiʼ le sukuʼunoʼoboʼ le baʼax kun ilbil teʼ semanaoʼ cada familia wa cada juntúul kun xokik tu yotoch.

22. Wa le Kʼaʼajsajil ku lúubul yáam semanaoʼ maʼ tun antal le muchʼtáambal Kuxtal yéetel Meyajoʼ.

23. Letiʼe múuchʼ ancianoʼob unaj u yéeyikoʼoboʼ. Le superintendenteoʼ unaj u yilik ka jóokʼok maʼalobil le muchʼtáambaloʼ yéetel ka máansaʼak le jaatsoʼob jeʼex unajoʼ. Unaj xan u múul meyaj yéetel le máax yéeyaʼan utiaʼal u tsʼáaik consejooʼ. Chéen pʼelak u jóokʼol le U juʼunil xookoʼ yaan u asignartik tuláakal le jaatsoʼob kun máansbil ichil dos mesesoʼ. Ichil lelaʼ táakaʼan le ken u máans le j-xoknáaloʼoboʼ yéetel le ken u máans le ancianoʼob wa le ministerialoʼoboʼ. Letiʼ xan unaj u asignartik le máaxoʼob kun nuʼuktik le muchʼtáambaloʼ, lelaʼ unaj u yéeyik ichil le máaxoʼob yéeyaʼanoʼob tumen le múuchʼ ancianoʼoboʼ (ilawil párrafo 3-16 yéetel 24). Le kéen u asignart le jaatsoʼoboʼ unaj u chʼaʼik u cuenta u edad le sukuʼunoʼoboʼ, le baʼax u yojloʼoboʼ yéetel wa jeʼel u páajtal u tʼaanoʼob tiʼ le baʼax kʼaʼabéet u tsoʼololoʼ. Le asignaciónoʼoboʼ kʼaʼabéet u kʼuʼubloʼob kex óoxpʼéel semanaʼob táanil tiʼ u máansaʼal le jaatsoʼ. Le máaxoʼob kun táakpajloʼob tiʼ le jaatsoʼob utiaʼal le j-xoknáaloʼoboʼ kʼaʼabéet u kʼuʼubultiʼob le chan juʼun Táakpajkech teʼ muchʼtáambal Kuxtal yéetel Meyaj jeʼex Cristooʼ (S-89). U superintendenteil le muchʼtáambal Kuxtal yéetel Meyajoʼ kʼaʼabéet xan u tsʼáaik teʼ tablero u programail le reunión kun máansbil ichil le kaʼapʼéel mesoʼoboʼ. Le múuchʼ ancianoʼoboʼ jeʼel u páajtal u yaʼalikoʼob tiʼ uláakʼ juntúul anciano wa siervo ministerial ka u yáant u superintendenteil le muchʼtáambal Kuxtal yéetel Meyajoʼ. Pero juntúul siervo ministerialeʼ chéen jeʼel u páajtal u asignartik le jaatsoʼob utiaʼal le j-xoknáaloʼoboʼ, le u maasil jaatsoʼoboʼ unaj u asignartaʼal tumen juntúul anciano».

24. Cada semanaeʼ juntúul anciano unaj u nuʼuktik le muchʼtáambalaʼ (teʼ múuchʼuliloʼob tuʼux maʼ yaʼab ancianoʼob yanoʼ, jeʼel u páajtal u nuʼuktaʼal tumen juntúul siervo ministerial maʼalob u kaʼansajeʼ). Letiʼ kun aʼalik u tʼaaniloʼob u káajbal bey xan u tʼaaniloʼob u tsʼoʼokbal le muchʼtáambaloʼ. Wa chéen junpʼíit ancianoʼob yaneʼ jeʼel u páajtal u máansik xan uláakʼ jaatsoʼobeʼ, maases le tuʼux chéen yaan u yeʼesaʼal junpʼéel video yéetel maʼatech u xakʼaltaʼaloʼ. Maʼ unaj u sen tʼaan táanil mix le kéen tsʼoʼokok le jaatsoʼoboʼ. Letiʼe múuchʼ ancianoʼob ken u yiloʼob máaxoʼob jeʼel u páajtal u nuʼuktikoʼob le muchʼtáambaloʼ. Cada semanaeʼ yaanal sukuʼun kun nuʼuktik, chéen baʼaleʼ tiʼ jujunpʼéel múuchʼuliloʼobeʼ maʼ xaaneʼ maases u superintendenteil le muchʼtáambal kun nuʼuktikoʼ. U suukileʼ wa juntúul anciano ku páajtal u nuʼuktik «U xookil le Biblia teʼ múuchʼuliloʼ» jeʼel xan u páajtal u nuʼuktik le muchʼtáambal Kuxtal yéetel Meyajoʼ. Chéen baʼaleʼ kʼaʼabéet u chʼaʼabal en cuentaeʼ le sukuʼun nuʼuktik le muchʼtáambaloʼ unaj maʼalob u kaʼansaj, tsʼoʼoleʼ unaj u tsolnuʼuk yéetel yaabilaj bey xan unaj u felicitartik le j-xoknáaloʼoboʼ. Kʼaʼabéet xan u yilik u tsʼoʼokol le muchʼtáambal tu yorailoʼ (ilawil párrafo 17 yéetel 19). Wa le sukuʼun nuʼuktik le muchʼtáambal ku kʼáatik, bey xan wa ku béeytaleʼ, jeʼel u páajtal u tsʼaʼabal uláakʼ junpʼéel micrófono teʼ plataforma utiaʼal u tʼaan mientras táan u tsʼaʼabal tu pʼiis le atril bey xan le micrófono tiʼ le sukuʼun kun máansik le jaatsoʼ. Wa u kʼáat xaneʼ jeʼel u páajtal u kutal yiknal junpʼéel chan mesa le táan u máansaʼal «U Xookil le Bibliaoʼ» bey xan le jaats «Kaʼansajnakoʼon maʼaloboʼ».

25. Maas maʼalob ka yéeyaʼak juntúul anciano jach maʼalob u máansik discursoʼob. Kéen u yil kʼaʼabéeteʼ unaj u tsolnuʼuktik junpáayil le ancianoʼob yéetel le siervo ministerialoʼob ku táakpajloʼob teʼ muchʼtáambal Kuxtal yéetel Meyajoʼ, le ku máanskoʼob discursoʼoboʼ, le ku nuʼuktikoʼob U xookil Le Máax ku Kananoʼ wa «U xookil le Biblia teʼ múuchʼuliloʼ» bey xan le ku xokikoʼob le párrafosoʼ (ilawil párrafo 19). Wa teʼ múuchʼulil yaan yaʼab ancianoʼob maʼalob u kaʼansajoʼob yéetel maʼalob u máanskoʼob discursoʼobeʼ, jeʼel u páajtal u kʼeʼexel le máax tsʼáaik consejo cada añooʼ. Maʼ tsaaj u tsʼáaik consejo tiʼ wa máax cada ken tsʼoʼokok u máansik u jaatsi, yaan u beetik chéen kéen kʼaʼabéetchajak.

26. Wa nojoch le múuchʼuliloʼ jeʼel u páajtal u meyaj le sala B utiaʼal u máansaʼal uláakʼ jaatsoʼob tumen le j-xoknáaloʼoboʼ. Lelaʼ unaj u nuʼuktaʼal tumen juntúul anciano maʼalob u kaʼansaj. Wa maʼeʼ jeʼel u páajtal u tsʼaʼabal juntúul siervo ministerial maʼalob u kaʼansajeʼ. Letiʼe múuchʼ ancianoʼob ken u yaʼaloʼob máaxoʼob jeʼel u páajtal u beetkoʼob le meyajaʼ, bey xan wa cada kun tsʼaabil yaanal sukuʼun utiaʼal ka u yile. Le sukuʼun nuʼuktik le sala B, yaan u beetik baʼax ku yaʼalik le párrafo 18. Unaj u yaʼalaʼal tiʼ le j-xoknáaloʼob ka xiʼikoʼob teʼ sala B kéen tsʼoʼokok le jaats «Baʼax jeʼel u páajtal k-kanikeʼ», lelaʼ tiaʼan ichil le jaats «Jatsʼuts baʼaloʼob k-kanik teʼ Bibliaoʼ». Pero chéen pʼelak u tsʼoʼokol u láaj máansaʼal le jaatsoʼob tumen le j-xoknáaloʼoboʼ unaj u suutoʼob teʼ tuʼux yaan u maasil sukuʼunoʼoboʼ.

27. Teʼ muchʼtáambal ku beetaʼal yáam semanaoʼ yaan u chaʼantaʼal videoʼobiʼ, lelaʼ jeʼel u páajtal u yéemsaʼal teʼ aplicación JW Library^® tiʼ celular, tablet wa computadora.

© 2023 Watch Tower Bible and Tract Society of Pennsylvania

S-38-MAY 11/23