KAʼANSAJNAKOʼON MAʼALOB
Koʼoneʼex tʼoxik u invitacionil le asambleaoʼ
Cada añoeʼ tuláakloʼon k-tsʼíiboltik k-bin teʼ asamblea regional utiaʼal k-kaanbaloʼ. Utiaʼal ka ilaʼak bukaʼaj utsil Jéeobaeʼ yaan k-invitartik le bukaʼaj máakoʼob ku páajtal utiaʼal ka xiʼikoʼob teʼ asambleaoʼ (Sl 34:8). Tiʼ cada múuchʼulileʼ le ancianoʼoboʼ yaan u chʼaʼtuklikoʼob bix kun tʼoxbil le invitacionoʼ.
BAʼAXOʼOB UNAJ A KʼAʼAJSIK
-
¿Baʼax kʼiin u yantaltech asamblea?
-
¿Baʼax kʼiin u káajal u tʼoʼoxol le invitación ta múuchʼuliloʼ?
-
¿Baʼax kʼiin u beetaʼal le muchʼtáambaloʼob utiaʼal le kʼaʼaytajoʼ?
-
¿Baʼax ken a beet utiaʼal a maas táakpajliʼ?
-
¿Máaxoʼob ken a invitarte?
BAʼAX KEN A WAʼALE
Ken tsʼoʼokok a saludareʼ jeʼel u páajtal a waʼalikeʼ:
«Táan k-tʼoxik junpʼéel invitación utiaʼal junpʼéel kʼiinbesaj kun beetbil tuláakal yóokʼol kaab. U fechail, u yorail yéetel u direccionileʼ tiaʼan teʼ juʼunaʼ. Kexiʼ ka béeyak a taaleʼ».
ÁANT LE MÁAX TAAK U KAANBALOʼ
Kex k-kʼáat k-invitart teʼ asamblea le bukaʼaj máakoʼob ku páajtaloʼ, maʼ unaj u tuʼubultoʼon k-áantik le máaxoʼob taak u kaanbaloʼoboʼ.
Sábado yéetel domingoeʼ jeʼel u páajtal a pʼatik le revista paʼteʼ yéetel le invitacionoʼ.