Yaʼab máakoʼob u xulmaj u kʼaʼaytajoʼobeʼ suuk u binoʼob teʼ Kʼaʼajsajiloʼ. Tu káajbaleʼ u tsʼaamaj u yóoloʼob u meyajtoʼob Jéeoba, chéen baʼaleʼ jeʼex u tsoʼolol teʼ folleto Jéeobaeʼ u kʼáat ka suunakechoʼ yaan baʼaloʼob beet u xuʼulul u yáalkaboʼob tu bejil le kuxtaloʼ (Heb 12:1). Kex beyoʼ tu táan Jéeobaeʼ láayliʼ koʼoj u tojoloʼobeʼ tumen letiʼ manoʼob yéetel u kʼiʼikʼel u Hijo (Bx 20:28; 1Pe 1:18, 19). ¿Bix jeʼel k-áantkoʼob utiaʼal ka suunakoʼob teʼ múuchʼuliloʼ?

Jeʼex juntúul j-kanan taman ku tsʼáaik u yóol u kaxt juntúul chan taman saataleʼ, bey u beetik le ancianoʼob yéetel le máaxoʼob u xulmaj u kʼaʼaytajoʼoboʼ (Lu 15:4-7). Bey u yeʼeskoʼob u yaabilaj Jéeobaoʼ (Jer 23:3, 4). Chéen baʼaleʼ tuláakloʼon jeʼel u páajtal k-áantik le sukuʼunoʼobaʼ, maʼ chéen le ancianoʼoboʼ. Le yaabilaj yéetel le baʼaxoʼob k-beetik utiaʼal k-áantkoʼoboʼ ku lúubul utsil tiʼ Jéeoba yéetel jeʼel u taasik yaʼab utsileʼ (Pr 19:17; Bx 20:35). Le oʼolaleʼ tukult máax jeʼel a wáantikeʼ yéetel beet tu séebaʼanil.

CHAʼANT LE VIDEO KOʼONEʼEX ÁANTIK LE SUKUʼUNOʼOB TSʼOʼOK U NÁACHTALOʼOB TIʼ U KAAJAL JÉEOBAOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax tu beetaj Abi ka tu yilaj juntúul kiik u xulmaj u kʼaʼaytaj?

• ¿Baʼaxten maʼalob ka tʼaanakoʼon yéetel le ancianoʼob wa k-kʼáat áant juntúul sukuʼun wa kiik u xulmaj u kʼaʼaytajoʼ?

• ¿Baʼax tu beetaj Abi táanil tiʼ u kaʼa bin u yil Laura?

• ¿Bix tu yeʼesil Abi paciencia, yaabilaj yéetel bix tu tsʼáajil u yóol u yáant Laura?

• ¿Baʼax k-kanik tiʼ le kettʼaan tu tsikbaltaj Jesús teʼ Lucas 15:8-10?

• ¿Baʼax utsiloʼob tu taasaj úuchik u yáantaʼal Laura tumen tuláakal le múuchʼuliloʼ?