Pablo yéetel Silaseʼ tu kiʼikiʼtʼantoʼob Dios yéetel kʼaay le ka kʼaʼaloʼob carceloʼ (Bx 16:25). Teʼ kʼiinoʼob xanaʼ yaʼab sukuʼunoʼobeʼ tu kʼayoʼob u kʼaayiloʼob le Reino le tiaʼanoʼob kaʼach teʼ Sachsenhausen, le tuʼux beetaʼab u sen meyajoʼob tumen le naziʼoboʼ. Bey xan tu beetil le sukuʼunoʼob bisaʼaboʼob Siberiaoʼ. Lelaʼ ku yeʼesikeʼ le kʼaayoʼoboʼ jeʼel u líiʼsik u yóol le sukuʼunoʼob táan u muʼyajoʼob yoʼolal u fejoʼoboʼ.

Le libro Cantemos con gozo a Jehová, maʼ tu xáantal ken traducirtaʼak ich yaʼab idiomaʼob. Chéen baʼaleʼ kex jeʼel baʼalak libroil kʼaay ka yanaktoʼoneʼ maʼalob ka k-ensayart le kʼaayoʼob teʼ adoración ich familia utiaʼal ka k-kan de memoriailoʼ (Ef 5:19). Beyoʼ le kiliʼich muukʼoʼ jeʼel u yáantkoʼon k-kʼaʼajs le kʼaayoʼob ken muʼyajnakoʼonoʼ. Teʼ súutukiloʼob beyaʼ, u kʼaayiloʼob le Reinooʼ jeʼel u yáantkoʼon k-kʼaʼajs le esperanza yaantoʼonoʼ. Tsʼoʼoleʼ kex wa maʼalob yaniloʼoneʼ u letrailoʼobeʼ jeʼel u beetik k-kʼaay ‹yéetel kiʼimak óolaleʼ› (1Cr 15:16; Sl 33:1-3). Le oʼolaleʼ koʼoneʼex kanik u kʼaayiloʼob le Reinooʼ.

CHAʼANT LE VIDEO JUNPʼÉEL KʼAAY TU LÍIʼSAJ U YÓOLOʼOB, TSʼOʼOLEʼ NÚUK LE KʼÁATCHIʼOBAʼ:

• ¿Baʼax beet u tsʼíibtik sukuʼun Frost junpʼéel kʼaay?

• Le kʼaayaʼ ¿bix úuchik u yáantik le sukuʼunoʼob kʼalaʼanoʼob kaʼach Sachsenhausenoʼ?

• ¿Tiʼ baʼax súutukiloʼob jeʼel u líiʼsik a wóol u kʼaayiloʼob le Reinooʼ?

• ¿Máakalmáak tiʼ u kʼaayiloʼob le Reino a kʼáat a kanoʼ?