¿Máaxoʼob unaj k-kʼamik yéetel kiʼimak óolal? Jeʼel máaxak ka kʼuchuk teʼ muchʼtáambaloʼ, kex yáax u taal wa kex úuch joʼopʼok u muchʼkuba t-éetel (Ro 15:7; Heb 13:2). Maʼ xaaneʼ juntúul sukuʼun táanxel luʼumil u taal wa juntúul máax xuʼul u kʼaʼaytaj yéetel tsʼoʼok u máan años maʼ tu bin muchʼtáambal. Wa tiʼ teech ka úuchuk leloʼ, ¿máasaʼ maʼalob ken a wuʼuyilaba wa ka kʼaʼamkech yéetel kiʼimak óolal? (Mt 7:12.) Le oʼolaleʼ táanil tiʼ junpʼéel muchʼtáambal wa ken tsʼoʼokkeʼ, ilawil a líikʼil a saludart le máaxoʼob ku binoʼoboʼ. Lelaʼ yaan u beetik u yantal kiʼimak óolal yéetel yaabilaj teʼ múuchʼuliloʼ yéetel yaan u taasik nojbeʼenil tiʼ Jéeoba (Mt 5:16). Kex maʼ tun páajtal k-tsikbal yéetel tuláakloʼobeʼ, wa k-beetik le baʼax tsʼoʼok k-aʼalikaʼ tuláakal máak kun kiʼimaktal u yóol. *

Mantatsʼ unaj k-kʼamik maʼalob le uʼulaboʼoboʼ, maʼ chéen tiʼ kʼiinoʼob especialoʼob jeʼex le Kʼaʼajsajiloʼ. Le máaxoʼob yáax u taaloʼob muchʼtáambaloʼ ken u yiloʼob le yaabilaj yaan ichiloʼonoʼ yaan u taaktal u alabartikoʼob Dios yéetel u múul adorartikoʼob t-éetel (Jn 13:35).