KUXLAKOʼON JEʼEX CRISTOEʼ
Meyajnaktoʼon maʼalob le nuʼukuloʼob tsʼaʼantoʼon utiaʼal k-kaʼansajoʼ
U kaʼansaʼal wa máaxeʼ bey jeʼex u beetaʼal junpʼéel najeʼ. Utiaʼal u beetaʼaleʼ kʼaʼabéet u meyaj maʼalob le nuʼukuloʼoboʼ. Le Bibliaoʼ letiʼe nuʼukul maas kʼaʼanaʼan yaantoʼon utiaʼal k-beetik le meyajoʼ, le oʼolaleʼ kʼaʼabéet k-kanik k-usarte (2Ti 2:15). Baʼaleʼ tsʼaʼan xan toʼon uláakʼ libroʼob yéetel videoʼob ku yáantkoʼon k-beet disipuloʼob. *
¿Baʼax jeʼel u yáantkoʼon utiaʼal u meyajtoʼon maʼalob u nuʼukuliloʼob k-kaʼansajoʼ? 1) Unaj k-kʼáatik u yáantaj le sukuʼun nuʼuktik le grupo tuʼux k-kʼaʼaytajoʼ, 2) k-jóokʼol yéetel le j-kʼaʼaytajoʼob wa precursoroʼob maas u yojloʼob kaʼansajoʼ yéetel 3) maʼ u xuʼulul k-beetik le baʼax k-kanikoʼ. Wa k-ilik u meyajtoʼon maas maʼalob le nuʼukuloʼobaʼ maas yaan u kiʼimaktal k-óol teʼ nojoch meyaj táan u beetaʼal teʼ kʼiinoʼobaʼ.
REVISTAʼOB
FOLLETOʼOB
LIBROʼOB
TRATADOʼOB
VIDEOʼOB
INVITACIONOʼOB
U TARJETAILOʼOB JW.ORG
^ xóot’ol 3 Jujunpʼéel publicacionoʼobeʼ maʼ táakaʼanoʼob ichil u nuʼukuliloʼob k-kaʼansajiʼ tumen beetaʼan chéen utiaʼal u jaats máakoʼob. Chéen unaj u meyajtoʼon kéen kʼaʼabéetchajak.
