KUXLAKOʼON JEʼEX CRISTOEʼ
Utiaʼal k-beetik disipuloʼobeʼ unaj k-kʼaʼaytaj yéetel k-kaʼansaj
Jesuseʼ tu yaʼalaj tiʼ le máaxoʼob tsaypachtoʼ ka u beetoʼob disipuloʼob (Mt 28:19). Utiaʼal u beetkoʼob le meyajaʼ unaj kaʼach u kʼaʼaytajoʼob yéetel u kaʼansajoʼob. Le oʼolaleʼ unaj k-tuklik lelaʼ: «¿Bix jeʼel in maas maʼalobkíintik in kʼaʼaytaj yéetel in beetik disipuloʼobeʼ?».
KʼAʼAYTAJ
Tu lugar k-páaʼtik u náatsʼloʼobeʼ toʼon unaj k-bin kaxt le máaxoʼob ‹ku náajmatik u yuʼubikoʼob u jaajiloʼ› (Mt 10:11). ¿K-ilik wa k-kʼaʼaytaj tiʼ le máakoʼob kéen yanak u súutukiloʼ? (Bx 17:17.) Lidiaeʼ káaj u meyajtik Jéeoba úuchik u kʼaʼaytaj le apóstol Pablo tiʼoʼ (Bx 16:13-15).
«Pakʼ a wiʼinaj tu jaʼatskabil, pakʼ xan tu yoknaj kʼiin, tumen mix bikʼin bíin ojéeltaʼak máakalmáak bíin maʼalob jóokʼokiʼ» (Ec 11:6)
CHAʼANT LE VIDEOʼOBAʼ: MAʼ U XUʼULUL A KʼAʼAYTAJ... KEX MAʼ LE JOKʼAʼANECH A BEETIʼ YÉETEL JOONAJ JOONAJIL, TSʼOʼOLEʼ NÚUK LE KʼÁATCHIʼOBAʼ:
-
¿Bix tu yeʼesil Samuel u kʼáat u kaʼans u maasil tiʼ tuláakal súutukil?
-
¿Baʼaxten unaj k-táakpajal tiʼ le jejeláas bix u yúuchul kʼaʼaytajoʼ?
-
¿Tiʼ máax jeʼel u páajtal a kʼaʼaytaj sáamsamaleʼ?
KAʼANSAJ
Kéen kaʼansajnakoʼoneʼ maʼ chéen unaj k-pʼatik publicacionoʼobiʼ. Utiaʼal u béeytal u meyajtaʼal Jéeoba tumen wa máaxeʼ unaj k-suut k-xíimbalte yéetel k-tsʼáaik k-xook tiʼ (1Co 3:6-9). Baʼaleʼ ¿kux túun wa maʼ tu tsʼáaik u yóol kaanbal? (Mt 13:19-22). Unaj k-kaxtik uláakʼ máakoʼob uts u puksiʼikʼaloʼob (Mt 13:23; Bx 13:48).
«Teen pakʼe, Apolos jóoyabte, baʼaleʼ Dios beet u nojochtal» (1Co 3:6)
CHAʼANT LE VIDEOʼOBAʼ: MAʼ U XUʼULUL A KʼAʼAYTAJ... TUʼUX YAʼAB U MÁAN MÁAK YÉETEL KEN A KAʼANS U MAASIL, TSʼOʼOLEʼ NÚUK LE KʼÁATCHIʼOBAʼ:
-
Salomón yéetel Marieʼ, ¿bix úuchik u yáantkoʼob Ezequiel yéetel Abigail utiaʼal ka káajak u meyajtikoʼob Jéeoba?
-
Kéen táakpajkoʼon tiʼ le jejeláas kʼaʼaytajoʼob jeʼex le tuʼux yaʼab u máan máakoʼ, ¿baʼax ku páaʼtaʼal ka k-beete?
-
¿Baʼax kun antal k-beetik yaan hora utiaʼal k-eʼesik jach kʼaʼanaʼan k-kaʼansik u maasil?
