Teʼ jaʼabaʼ yaan u béeytal k-maas k-líiʼsikba utiaʼal le Kʼaʼajsajiloʼ. Wa le Kʼaʼajsajil ku lúubul yáam semanaoʼ maʼ kun beetbil le muchʼtáambal Kuxtal yéetel Meyajoʼ. Tsʼoʼoleʼ wa ku lúubul tu jóokʼbal le semanaoʼ maʼ kun máansbil le tsoltʼaanoʼ mix u xookil U Pʼíich Tulumil Kanan. ¿Baʼaxten ku beetaʼal le kʼeexaʼ? Jeʼex u beetaʼal kaʼach teʼ yáax siglooʼ, toʼon xaneʼ unaj k-líiʼsikba utiaʼal le kʼiin jach kʼaʼanaʼanaʼ (Lu 22:7-13; km 3/15 t.j. 1). ¿Bey baʼaxoʼob jeʼel k-beetik táanil tiʼ u kʼuchul u kʼiinil le Kʼaʼajsajiloʼ?

• Maʼalob ka tuukulnakoʼon tiʼ u kʼaʼabéetil k-antaliʼ (1Co 11:23-26)

• Maʼalob ka orarnakoʼon utiaʼal k-ilik wa maʼalob le bix táan k-bisikba yéetel Jéeobaoʼ (1Co 11:27-29; 2Co 13:5)

• Maʼalob ka xooknakoʼon yéetel ka tuukulnakoʼon tiʼ le jaatsoʼob ku tʼaanoʼob tiʼ le Kʼaʼajsajiloʼ (Jn 3:16; 15:13)

Yaan sukuʼunoʼobeʼ suuk u xokikoʼob yéetel u tuukuloʼob tiʼ u xookil le Biblia utiaʼal le Kʼaʼajsajiloʼ, lelaʼ ku chíikpajal teʼ folleto Xakʼalxokt sáamsamal le Kiliʼich Tsʼíiboʼoboʼ. Uláakʼoʼobeʼ suuk u xokikoʼob le tekstoʼob yaan teʼ cuadroʼob ku taasik le xookaʼ bey xan U Pʼíich Tulumil Kanan ku tʼaanoʼob tiʼ le yaabilaj tu yeʼesajtoʼon Jéeoba yéetel Jesusoʼ. Yéey le maas uts ta tʼaaneʼ, beyoʼ yaan a maas náatsʼal tiʼ Jéeoba bey xan tiʼ Jesús.