Jacobeʼ mukʼulmuukʼnaj yéetel juntúul ángel utiaʼal u bendecirtaʼal tumen Jéeoba (Gé 32:24-31; Ose 12:3, 4). ¿Kux túun toʼon? ¿Yaan wa k-tsʼáaik k-óol beet baʼax ku yaʼalik Jéeoba utiaʼal ka u bendecirtoʼon? Wa ku yaʼalaʼaltech ka pʼáatkech meyaj junpʼíit tiempo maas, baʼaleʼ u kʼiinil muchʼtáambaleʼ, ¿baʼax ken a beete? Wa k-tsʼáaik tiʼ Jéeoba k-tiempo, k-muukʼ yéetel le baʼaxoʼob yaantoʼonoʼ, letiʼeʼ yaan u «láalik bendiciónoʼob» t-óokʼol yéetel maʼ ken u bineltoʼon mix baʼal (Mal 3:10). Tsʼoʼoleʼ yaan u nuʼuktikoʼon, yaan u kanáantkoʼon yéetel yaan u tsʼáaiktoʼon tuláakal baʼax kʼaʼabéettoʼon (Mt 6:33; Heb 13:5).

KÉEN TSʼOʼOKOK A CHAʼANTIK LE VIDEO ILAWIL A CHUKPACHTIK A METAS, NÚUK LE KʼÁATCHIʼOBAʼ:

• ¿Baʼax tu aktáantaj juntúul kiik?

• ¿Baʼaxten yaan kʼiineʼ k-meyajeʼ jeʼel u beetik u náayal k-óoleʼ?

• ¿Baʼaxten kʼaʼabéet kaʼach u yantal metas tiʼ Timoteo kex tsʼoʼok u nojochtal? (1Ti 4:16)

• ¿Bix jeʼel k-eʼesik máakalmáak le meyaj maas kʼaʼanaʼan ichil k-kuxtaloʼ?