Teʼ carta tu túuxtaj Pablo tiʼ Titooʼ tu yaʼaleʼ tuláakal le táankelmoʼob, jeʼex Titooʼ, unaj u beetkoʼob «baʼaloʼob maʼalobtak» (Tit 2:6, 7). Tsʼoʼoleʼ teʼ capítulo xanaʼ apóstol Pabloeʼ tu yaʼaleʼ u kaajal Dioseʼ yaan u limpiokíintaʼal utiaʼal ka u beet «baʼaloʼob maʼalobtak» yéetel kiʼimak óolal (Tit 2:14). Ichil le baʼaloʼob maʼalobtakoʼ táakaʼan u kʼaʼaytaʼal yéetel u kaʼansaʼal u maʼalob péektsilil le Reinooʼ. Wa táankelmecheʼ ilawil a maas tsʼáaik a wóol a meyajt Jéeoba bey precursor auxiliaril wa regularileʼ (Pr 20:29).

Wa taak a beetik a precursorileʼ ilawil bey baʼax jeʼel u yáantkecheʼ (Lu 14:28-30). Tukle: «¿Bix ken in beetil utiaʼal in manik baʼax kun kʼaʼabéettalten kéen in beet in precursoril? ¿Baʼax jeʼel in beetik utiaʼal in kʼubik le bukaʼaj horaʼob ku páaʼtaʼaloʼ?». Aʼal tiʼ Jéeoba ich oración (Sl 37:5). Tsʼíibt baʼax taak a beetik tsʼoʼoleʼ tsikbalt tiʼ a taataʼob bey xan tiʼ uláakʼ sukuʼunoʼob úuch joʼopʼok u beetik u precursoriloʼob. Kéen tsʼoʼokkeʼ beet baʼaloʼob jeʼel u yáantkech a beet a precursoriloʼ. Jéeobaeʼ jach yaan u bendecirtik tuláakal baʼax ka beetik utiaʼal a meyajtik.

CHAʼANT LE VIDEO TÁANKELMOʼOB KU YEʼESIKOʼOB TSIIKIL TIʼ JÉEOBA, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten talam u yilik kaʼach jujuntúul sukuʼunoʼob u beetik u precursoriloʼob, yéetel baʼax áantoʼob?

• ¿Baʼax jeʼel u beetik le taatatsiloʼob utiaʼal u yáantik u paalaloʼob u beet u precursor regulariloʼoboʼ?

• ¿Baʼaxten kʼaʼabéet u beetik máak junpʼéel horario utiaʼal u kʼaʼaytaj?

• Le múuchʼuliloʼ, ¿bix jeʼel u yáantik yéetel u líiʼsik u yóol le precursoroʼoboʼ?

• ¿Baʼax bendicioniloʼob ku kʼaʼamik le precursoroʼoboʼ?