BAʼAXTEN KʼAʼANAʼAN: Utiaʼal u kʼaʼamal tumen Jéeoba le máaxoʼob k-tsʼáaik xook tiʼoboʼ unaj u kʼubik u kuxtaloʼob yéetel u yokjaʼob (1Pe 3:21). Máaxoʼob ku kuxtaloʼob jeʼex tu yaʼaliloʼob ka okjaʼanajoʼoboʼ yaan u seguer u kanáantaʼaloʼob (Sl 91:1, 2). Ken okjaʼanakoʼoneʼ k-kʼubik k-kuxtal tiʼ Jéeoba, maʼ tiʼ wíinikiʼ, mix tiʼ junpʼéel meyaj wa organizacioniʼ. Le oʼolal le j-xoknáaloʼoboʼ unaj u kanik u maas yaabiltoʼob Dios (Ro 14:7, 8).

BIX JEʼEL A BEETKEʼ:

• Ken a tsʼáa xook tiʼ a j-xoknáaleʼ tsikbalteʼex baʼax ku kanik yoʼolal Jéeoba. Eʼestiʼ kʼaʼabéet u xokik le Biblia sáamsamaloʼ yéetel ‹maʼ unaj u jáawal u orariʼ› (1Te 5:17; Snt 4:8).

• Líiʼs u yóol a j-xoknáal utiaʼal u chʼaʼtuklik u kʼubik u kuxtal tiʼ Dios yéetel u yokjaʼ. Áant xan utiaʼal ka káajak u comentar, u kʼaʼaytaj tiʼ u vecinoʼob bey xan tiʼ u yéet meyajoʼob. Kʼaʼajstiʼeʼ Jéeobaeʼ maʼ tu obligartik mix máak utiaʼal u meyajtik. Tu juunal máak unaj u chʼaʼtuklik u kʼubik u kuxtal tiʼ Dios (Dt 30:19, 20)

• Líiʼs u yóol a j-xoknáal utiaʼal ka u beet le kʼeexoʼob kʼaʼabéet utiaʼal ka kʼaʼamak tumen Diosoʼ yéetel ka páajchajak u yokjaʼ (Pr 27:11). Maʼ xaaneʼ jach istikyaj u pʼatik jujunpʼéel modos wa baʼaxoʼob suuk u beetik, le oʼolal mantatsʼ kʼaʼabéet a wáantik utiaʼal ‹u pʼatik le úuchben kuxtaloʼ yéetel u búukintik le túumbenoʼ› (Ef 4:22-24). Eʼestiʼ jujunpʼéel u xookiloʼob le jaats «Kʼeʼex u kuxtaloʼob tumen le Bibliaoʼ», le ku jóokʼol tiʼ U Pʼíich Tulumil Kananoʼ.

• Tsikbalttiʼ le jatsʼuts baʼaloʼob tsʼoʼok a wilik ikil a meyajtik Jéeobaoʼ (Isa 48:17, 18).