Desde septiembreeʼ le U juʼunil xookaʼ yaan u taasik túumben eʼesajiloʼob ku kʼaabaʼtik «Kaʼans u jaajil». U tuukulileʼ k-tsolik junpʼéel tiʼ le kaʼansajoʼob maas kʼaʼanaʼantak yaan teʼ Bibliaoʼ, pero chéen yéetel junpʼéel kʼáatchiʼ bey xan yéetel junpʼéel teksto.

Wa ka wilik taak u maas kaanbal le máakoʼ, utiaʼal a tsʼáaik tuʼux a kaʼa k-xíimbaltikeʼ pʼat junpʼéel publicación tiʼ wa eʼestiʼ junpʼéel u videoil jw.org. Séeb suunen utiaʼal a seguertik le tsikbaloʼ. Le túumben eʼesajiloʼob yéetel le jaatsoʼob kun máansbil tumen le j-xoknáaloʼoboʼ yaan u jóoʼsaʼal tiʼ le libro What Can the Bible Teach Us?; lelaʼ bey jeʼex le libro ¿Baʼax ku kaʼansik le Bibliaoʼ? pero maas séeb u naʼataʼal. Mientras maʼ jóokʼok ich mayaeʼ yaan u meyajtoʼon le libro ¿Baʼax ku kaʼansik le Bibliaoʼ? Le libroaʼ láayliʼ jeʼel u yáantkoʼon k-kaxt baʼax ken k-aʼal ken suunakoʼon k-xíimbalt le máakoʼoboʼ wa ken k-tsʼáa xook chéen yéetel le Bibliaoʼ.

Chéen junpʼéel bej ku bin tiʼ kuxtal (Mt 7:13, 14). Como cada máak jejeláas u religión yéetel bix líiʼsaʼanileʼ, kʼaʼabéet k-kaxtik máakalmáak tiʼ u kaʼansajiloʼob le Biblia maas jeʼel u taaktal u kankoʼoboʼ (1Ti 2:4). Wa ku suuktal k-tsikbaltik le jejeláas baʼaxoʼob ku kaʼansik le Biblia yéetel «[k-]tsolik tubeel u tʼaaniloʼob le jaajoʼ» yaan u maas kiʼimaktal k-óol, tumen yaan u maas maʼalobtal k-kaʼansaj (2Ti 2:15).