BAʼAXTEN KʼAʼANAʼAN: Tuláakal le publicacionoʼob ku meyaj utiaʼal kaʼansajoʼ ku bisik máak teʼ sitio jw.org. U tarjetail jw.org yéetel le tratado ¿Tuʼux jeʼel a kaxtik u núukil le kʼáatchiʼob maas taak a wojéeltikoʼ? maases beetaʼab utiaʼal ka okok máak teʼ sitio yaantoʼon ich Internetoʼ. Wa yaan máax tʼanik yaanal idiomaeʼ maʼalob ka meyajnaktoʼon le sitio utiaʼal k-túuxtik junpʼéel publicación tu correo. Jeʼel xan u páajtal k-túuxtik chéen u direccionil le publicación k-kʼáat ka u xokoʼ. Ilawil u meyajtech le sitio utiaʼal k-núukik junpʼéel kʼáatchiʼ maʼatech u núukpajal ichil le publicacionoʼob ku meyajtoʼon utiaʼal k-kaʼansajoʼ. Wa k-ojel baʼaxoʼob yaan teʼ sitiooʼ yaan u béeytal u maas meyajtoʼon kéen kʼaʼaytajnakoʼon.

BIX JEʼEL A BEETKEʼ:

• Meyajnaktech le jaats «U KAʼANSAJ LE BIBLIAOʼ». Wa táan a tsikbal yéetel juntúul taatatsileʼ jeʼel u páajtal a kaxtik áantaj teʼ jaats U KAʼANSAJ LE BIBLIAOʼ > MEJEN PAALAL.

• Meyajnaktech le jaats «JÓOʼSAʼANILOʼOB». Wa táan a kʼaʼaytaj tiʼ juntúul a wéet xook yéetel taak a weʼesik tiʼ le folleto U núukil 10 preguntaʼob ku beetik le paalaloʼoboʼ. jeʼel u páajtal a kaxtik le jaats JÓOʼSAʼANILOʼOB > LIBROʼOB YÉETEL FOLLETOʼOB.

• Meyajnaktech le jaats «KʼAJ ÓOLTOʼONIʼ». Wa táan a kʼaʼaytaj tiʼ juntúul a wéet meyaj yéetel a kʼáat a tsoltiʼ baʼax k-creertikeʼ kaxt teʼ jaats KʼAJ ÓOLTOʼONIʼ > KʼÁATCHIʼOB SUUK U BEETAʼAL.

CHAʼANT LE VIDEO MEYAJNAKTECH LE SITIO JW.ORG, TSʼOʼOLEʼ KA NÚUKIK LE KʼÁATCHIʼOBAʼ:

• ¿Bix jeʼel a kʼaʼaytaj tiʼ máax maʼ tu creertik Dioseʼ?

• ¿Bix jeʼel a wáantik juntúul máax yaachajaʼan u yóoleʼ?

• ¿Bix jeʼel a wáantik juntúul sukuʼun maʼatech u kʼaʼaytajeʼ?

• ¿Bix jeʼel a tsolik tiʼ wa máax tuʼux u taal le taakʼin ku meyaj tiʼ u kaajal Jéeobaoʼ?

• ¿Bix jeʼel u meyajtech utiaʼal a weʼesik tiʼ juntúul j-táanxel luʼumil tuʼux ku beetaʼal le muchʼtáambal tu luʼumiloʼ?