Jesuseʼ tu kʼubaj u kuxtal yoʼolal kʼeban máakoʼob (Ro 5:8). Tuláakloʼon jach kiʼimak k-óol úuchik u kʼubik u kuxtal. Chéen baʼaleʼ maʼ unaj u tuʼubultoʼon kíim xan yoʼolal k-sukuʼunoʼob, letiʼobeʼ láayliʼ kʼebanoʼobeʼ. ¿Bix jeʼel k-eʼesik k-yaabiltmoʼob jeʼex Jesuseʼ? Yáaxeʼ unaj k-bisikba yéetel le sukuʼunoʼob kex jelaʼan baʼax suuk u beetkoʼoboʼ (Ro 15:7; 2Co 6:12, 13). U kaʼapʼéeleʼ unaj k-ilik maʼ k-aʼalik yéetel maʼ k-beetik wa baʼax jeʼel u yaakuntik u yóoloʼobeʼ (Ro 14:13-15). Tu tsʼookeʼ unaj u suuktal k-perdonar tu séebaʼanil (Lu 17:3, 4; 23:34). Wa tuláakloʼon k-tsʼáaik k-óol beet jeʼex Jesuseʼ, Jéeobaeʼ yaan u bendecirtik le múuchʼuliloʼ yéetel tuláakal ken u bisuba tubeel.

KÉEN TSʼOʼOKOK A CHAʼANTIK LE VIDEO ¡MAAS JATSʼUTSKÍINT A MODOS!, NÚUK LE KʼÁATCHIʼOBAʼ:

• ¿Bix u yilik u múuchʼulil Miki tu káajbal?

• ¿Baʼax káaj u tuklik Miki yoʼolal le sukuʼunoʼoboʼ?

• ¿Bix áantaʼabik u kʼex u tuukul yoʼolal le baʼax tu beetaj Jesusoʼ? (Mr 14:38.)

• ¿Bix u yáantkoʼon Proverbios 19:11 utiaʼal k-ilik le baʼaxoʼob maʼalobtak ku beetik u maasiloʼ?