¿Baʼaxten tu sutaj u paakat u yatan Lot le ka jóokʼ Sodomaoʼ? Le Bibliaoʼ maʼatech u yaʼalik (Gé 19:17, 26). Le baʼax tu yaʼalaj Jesusoʼ ku yeʼesik maʼ xaaneʼ taakchaj u suut u chʼaʼ le baʼaxoʼob tu pʼatoʼ (Lu 17:31, 32). ¿Baʼax unaj k-beetik utiaʼal maʼ u yúuchultoʼon beyoʼ? Unaj k-ilik maʼ k-chʼíikil tu paach le baʼaxoʼob ku tsʼáaik le yóokʼol kaabaʼ (Mt 6:33). Jesuseʼ tu yaʼalaj: «Maʼ tu páajtal a beetkabaʼex palitsil tiʼ Dios yéetel tiʼ le Ayikʼaliloʼoboʼ» (Mt 6:24). ¿Baʼax unaj k-beetik wa k-ilik táan u pʼáatal minaʼantoʼon tiempo utiaʼal k-meyajtik Jéeoba? Unaj k-kʼáatik u yáantaj utiaʼal ka k-il baʼax kʼeexiloʼob unaj k-beetik. Tsʼoʼoleʼ maʼalob ka k-aʼaltiʼ ka u tsʼáatoʼon u muukʼil k-beetik.

KÉEN TSʼOʼOKOK A CHAʼANTIK LE ÓOXPʼÉEL JAATS VIDEOʼOB KʼAʼAJAKTEʼEX U YATAN LOT, NÚUK LE KʼÁATCHIʼOBAʼ:

• ¿Bix kʼexpajik u tuukul Gloria úuchik u káajal u náajal maʼalob?

• ¿Baʼaxoʼob jeʼel k-kanik tiʼ u yatan Loteʼ?

• ¿Bix áantaʼabik Joel yéetel u familia tumen le Bibliaoʼ?

• ¿Baʼax joʼopʼ u beetik Ana úuchik u biskuba yéetel máaxoʼob maʼatech u meyajtikoʼob Jéeoba?

• ¿Baʼaxten unaj u chúukpajal u yóol máak utiaʼal maʼ u bin tu paach taakʼin kex yaʼab u yaʼalaʼaltiʼ?

• ¿Baʼax tu chʼaʼtuklaj u beetik Alan bey xan Gloria utiaʼal u kaʼa tsʼáaikoʼob táanil u meyajtikoʼob Jéeoba?

• ¿Baʼaxoʼob ku kaʼansiktoʼon le videoaʼ?