BAʼAXTEN KʼAʼANAʼAN: Le yéeyaʼanoʼob utiaʼal u binoʼob kaʼan yéetel le uláakʼ tamanoʼoboʼ táan u yaʼalikoʼob tiʼ u jejeláasil máakoʼob ka u yukʼoʼob «x-maʼ boʼolil u jaʼil le kuxtaloʼ» (Ap 22:17). Le jaʼ ku yaʼalik le tekstoaʼ ku chíikbesik tuláakal le baʼax tsʼoʼok u beetik Jéeoba utiaʼal u jáalkʼabtik le máaxoʼob uʼuyik u tʼaan tiʼ le kʼeban yéetel tiʼ le kíimiloʼ. Utiaʼal k-áantik le máaxoʼob jejeláas baʼaxoʼob ku creertikoʼob yéetel suuk u beetkoʼobeʼ unaj k-ilik kʼaʼaytik le maʼalob péektsil tiʼob junpʼéel bix ka jatsʼutschajak u yilkoʼoboʼ (Ap 14:6).

BIX JEʼEL A BEETKEʼ:

• Yéey tiʼ baʼax kan tʼaan bey xan junpʼéel teksto jeʼel u kʼuchul tu puksiʼikʼal le máakoʼob teʼ tuʼux ka kʼaʼaytajoʼ. Jeʼel u páajtal a yéeyik junpʼéel tiʼ le eʼesajiloʼoboʼ wa a kʼaʼaytaj junpʼéel bix tsʼoʼok a wilik maas jeʼel a wuʼuyaʼaleʼ. ¿Bey tiʼ baʼaxoʼob jeʼel u páajtal a tsikbal wa baʼax tekstosil maas jeʼel u taaktal u yuʼubaʼaleʼ? ¿Bey tiʼ baʼax noticiail táan u tʼaan le máakoʼoboʼ? ¿Tiʼ baʼax maas uts tu tʼaan u tsikbal le xiiboʼob bey xan le koʼoleloʼoboʼ?

• Kéen tsikbalnakech yéetel wa máaxeʼ chʼaʼ en cuenta baʼaxoʼob suuk u beetik bey xan bix suukil u tʼankubaʼob teʼ tuʼux kajaʼanoʼoboʼ (2Co 6:3, 4)

• Xakʼalxokt le publicacionoʼob bey xan le videoʼob tsʼaʼantoʼon utiaʼal k-kaʼansajoʼ, beyoʼ jeʼel u meyajtoʼon utiaʼal k-áantik wa máax taak u maas kaanbaleʼ

• Éems publicacionoʼob yéetel videoʼob ichil le idiomaʼob suuk u tʼanik le máakoʼob teʼ tuʼux kajaʼanechoʼ

• Tʼaanen tiʼ le baʼaxoʼob taak u tsikbal u yuumil najoʼ (1Co 9:19-23). ¿Baʼax jeʼel a waʼalik wa ka wojéeltik táant u kíimil juntúul u láakʼtsil u yuumil najeʼ?

KÉEN TSʼOʼOKOK A CHAʼANTIK LE VIDEOOʼ, NÚUK LE KʼÁATCHIʼOBAʼ:

• ¿Bix úuchik u káajsik u tsikbal le j-kʼaʼaytajoʼ?

• ¿Baʼax táan u yúuchul kaʼach tiʼ u yuumil naj?

• ¿Baʼax tekstoil maas maʼalob ka u xook kaʼach yéetel baʼaxten?

• ¿Bix jeʼel a tsikbaltik le maʼalob péektsil utiaʼal ka maas taakchajak u yuʼubaʼal teʼ tuʼux kajaʼanechoʼ?