Desde úuchjeakileʼ le autoridadoʼoboʼ tsʼoʼok u yáantkoʼob u kaajal Jéeoba (Esd 6:1-12; Est 8:10-13). Teʼ kʼiinoʼobaʼ tsʼoʼok k-ilik bix «le Luʼum», wa jujunpʼéel autoridadoʼobeʼ bey tsʼoʼok u xúuchkoʼob le «áalkab jaʼ» wa le chʼaʼpachtajil ku beetik Satanás u yantal tu contra u kaajal Jéeobaoʼ (Ap 12:16). Jéeoba, le ‹Dios salvartikoʼonoʼ›, yaʼab u téenel tsʼoʼok u beetik u yáantaʼal u kaajal tumen le gobiernoʼoboʼ (Sl 68:20; Pr 21:1).

¿Kux túun wa kʼalaʼanech cárcel yoʼolal baʼax ka creertik? Maʼ u tuʼubultecheʼ Jéeobaeʼ táan u kanáantkech (Gé 39:21-23; Sl 105:17-20). Wa ku chúukpajal a wóoleʼ Jéeobaeʼ yaan u bendecirkech yoʼolal a nojoch fe, tsʼoʼoleʼ yaan xan a wáantik yaʼab sukuʼunoʼob utiaʼal ka chúukpajak u yóoloʼob (Flp 1:12-14; Ap 2:10).

KÉEN TSʼOʼOKOK A CHAʼANTIK LE VIDEO KU CHAʼABAL LE SUKUʼUNOʼOB KʼALAʼANOʼOB TU LUʼUMIL COREAOʼ, NÚUK LE KʼÁATCHIʼOBAʼ:

• ¿Baʼaxten ich yaʼab jaʼaboʼob kʼaʼal cárcel le sukuʼunoʼob yanoʼob Corea del Suroʼ?

• ¿Baʼax áantajnaj utiaʼal ka séeb jóokʼok le sukuʼunoʼob kʼaʼaloʼob carceloʼ?

• ¿Bix jeʼel k-áantik le sukuʼunoʼob kʼalaʼanoʼob cárcel yoʼolal baʼax ku creertikoʼoboʼ?

• ¿Baʼax unaj k-beetik bejlaʼa ku chaʼabal k-meyajtik Jéeobaeʼ?

• ¿Tiʼ máax unaj u tsʼaʼabal u nojbeʼenil yoʼolal le juicioʼob tsʼoʼok u ganartaloʼoboʼ?