KUXLAKOʼON JEʼEX CRISTOEʼ
Maas maʼalobkíint a kaʼansaj: Áant le máaxoʼob taak u tsaypachtikoʼob Jesusoʼ
BAʼAXTEN KʼAʼANAʼAN: Jéeoba beetik u nojochtal le semilla tu puksiʼikʼal le máakoʼob u kʼáatoʼob «kuxtal minaʼan u xuul[oʼ]» (Bx 13:48; 1Co 3:7). K-múul meyaj yéetel Jéeoba kéen k-áant le máakoʼob u kʼex u kuxtaloʼoboʼ (1Co 9:26). Le máaxoʼob ku xookoʼoboʼ kʼaʼabéet u naʼatkoʼob unaj u yokjaʼob utiaʼal ka u salvartubaʼob (1Pe 3:21). Utiaʼal u tsaypachtikoʼob Jesuseʼ táanil unaj k-áantkoʼob u kʼex u kuxtaloʼob, u kʼaʼaytajoʼob, u kaʼansoʼob uláakʼ máakoʼob yéetel ka u kʼub u kuxtaloʼob tiʼ Jéeoba (Mt 28:19, 20).
BIX JEʼEL A BEETKEʼ:
-
Kaʼans tiʼ le j-xoknáal u kʼaʼabéetil u kʼaj óoltik Jéeoba bey xan u lúubul utsil tiʼ (Jn 17:3)
-
Áant utiaʼal ka u maas meyajt Jéeoba, ka u pʼat baʼax maʼ maʼalobiʼ bey xan ka u kanáant yéetel máax ku biskuba
-
Muʼukʼaʼankúunt u fejoʼob táanil tiʼ u yokjaʼob bey xan kéen tsʼoʼokok (Bx 14:22)
KÉEN TSʼOʼOKOK A CHAʼANTIK LE VIDEO JÉEOBA KUN ÁANTKECH, NÚUK LE KʼÁATCHIʼOBAʼ:
-
¿Baʼaxoʼob jeʼel u beetik maʼ u kʼubik u kuxtal máak tiʼ Jéeoba yéetel u yokjaʼeʼ?
-
Le ancianoʼoboʼ, ¿bix jeʼel u yáantkoʼob le j-xoknáaloʼob utiaʼal ka u meyajtoʼob Jéeobaoʼ?
-
Isaías 41:10, ¿baʼax ku kaʼansiktoʼon yoʼolal Jéeoba?
-
¿Baʼax ken u péeksoʼon k-meyajt Jéeoba kex kʼebanoʼon?