13:4, 5, 45, 46, 52, 57

¿Bix jeʼel u yáantkoʼon le leyoʼob tsʼaʼab tiʼ le israelitaʼob yoʼolal le lepraoʼ?

• Jéeobaeʼ tu kaʼansaj tiʼ le sacerdoteʼob u yiloʼob tu séebaʼanil wa lepra le paakʼal tiʼ wa máaxoʼ. Bejlaʼa xaneʼ le ancianoʼoboʼ kéen u yiloʼob yaan máax táan u chan náachtal tiʼ Jéeobaeʼ tu séebaʼanil ku yilik u yáantkoʼob (Snt 5:14, 15).

• Le israelitaʼoboʼ unaj kaʼach u tóokikoʼob le nuʼukuloʼob paakʼaltiʼob le lepraoʼ, beyoʼ maʼ kun páakʼal tiʼ uláakʼ wa baʼax. Bejlaʼeʼ toʼon xaneʼ, kex maʼ chéen chʼaʼabileʼ, k-ilik k-náachkuntikba tiʼ tuláakal baʼax jeʼel u biskoʼon k-beet baʼax kʼaaseʼ (Mt 18:8, 9). Maʼ xaaneʼ yaan u kʼaʼabéettal k-pʼatik jujunpʼéel baʼaloʼob suuk k-beetik kaʼachi, k-náachkuntikba tiʼ le máaxoʼob yéetel k-bisikbaoʼ wa u xuʼulul k-náaysik k-óol yéetel wa baʼax.

¿Bix jeʼel k-eʼesik de ke jach tu jaajil k-kʼáat ka u yáantoʼon Jéeobaeʼ?