Desde 2018, cada revista ku meyajtoʼon teʼ kʼaʼaytajoʼ tiʼ junpʼéeliliʼ baʼax ku tʼaan tu túulisil. Le revistaʼobaʼ tiaʼanoʼob ichil le publicaciónoʼob ku meyajtoʼon utiaʼal kaʼansajoʼ, le oʼolal unaj u meyajtoʼon kéen kʼaʼaytajnakoʼon. Unaj k-biskoʼob kéen xiʼikoʼon maan wa kéen xiʼikoʼon viaje. Kex maʼ beetaʼanoʼob utiaʼal u tsʼaʼabal xookeʼ jach jeʼel u beetkoʼob u taaktal u kaanbal le máakoʼob tiʼ Diosoʼ.

Kéen tsikbalnakech yéetel wa máaxeʼ xok junpʼéel teksto tiʼ yéetel eʼes junpʼéel revista ka tuklik jeʼel u taaktal u xokikeʼ. Wa ka tʼaan yéetel juntúul máax yaan u paalal, wa yéetel máax lubaʼan u yóol wa yéetel máax jach estresadoeʼ jeʼel u páajtal a waʼaliktiʼeʼ: «Maʼ sen úucheʼ tin xokaj junpʼéel baʼal jach jatsʼuts tu yoʼolal le jeʼeloʼ. ¿Jeʼel wa páajtal in jáan eʼesiktecheʼ?». Wa ka wilik taak u maas kaanbaleʼ jeʼel u páajtal a pʼatiktiʼ le revistaoʼ wa a túuxtiktiʼ tu celular wa tu correoeʼ. Lelaʼ jeʼel u páajtal a beetik le yáax ken tʼaanakech tu yéeteloʼ. U jaajileʼ maʼ chéen chʼiikiloʼon k-tʼox publicaciónoʼobiʼ, chéen baʼaleʼ le revistaʼoboʼ jach jeʼel u yáantkoʼon k-kaxt le máaxoʼob u kʼáat u beetoʼob le baʼax ku yaʼalik Jéeobaoʼ (Hch 13:48).