Ichil u kaajal Dioseʼ ku expulsartaʼal le máaxoʼob maʼ tu arrepentiroʼoboʼ. Lelaʼ ku beetaʼal utiaʼal u kanáantaʼal le múuchʼuliloʼ bey xan utiaʼal u yeʼesaʼal tiʼ le máax maʼ tu arrepentir de ke jach kʼaas le baʼax tu beetoʼ (1Co 5:6, 11). U jaajileʼ u láakʼtsiloʼob le máax ku expulsartaʼaloʼ jach ku yaatal u yóoloʼob, yéetel bey xan u yuʼubikuba le ancianoʼob anchajoʼob teʼ comité judicialoʼ. Le kéen k-apoyart le decisión chʼaʼaboʼ táan k-eʼesik yaabilaj. ¿Baʼaxten k-aʼalik leloʼ?

Tumen kéen k-apoyart le decisiónoʼ k-eʼesik k-yaabiltmaj yéetel k-respetartik u kʼaabaʼ Jéeoba bey xan le baʼax ku yaʼalik teʼ Bibliaoʼ (1Pe 1:14-16). Tsʼoʼoleʼ k-eʼesik xan k-yaabiltmaj le máax expulsartaʼaboʼ tumen k-ojleʼ kex ku yaatal u yóol le máaxoʼob ku castigartaʼaloʼoboʼ «kéen tsʼoʼokkeʼ ku yantal jeetsʼelil tiʼob tu yoʼolal le toj kuxtal ku biskoʼoboʼ» (Heb 12:5, 6, 11). Wa maʼ tu xuʼulul k-bisikba yéetel le máaxoʼob tsʼoʼok u expulsartaʼaloʼob bey xan yéetel le tsʼoʼok u pʼatkoʼob u kaajal Jéeobaoʼ maʼ táan k-chaʼik u yáantaʼaloʼob tumen Jéeobaiʼ. Kʼaʼajaktoʼoneʼ Jéeobaeʼ ku tojkíintik u beel máak «le bukaʼaj kʼaʼabéeteʼ» (Jer 30:11). Mientras táan k-páaʼtik u suut le máax expulsartaʼanoʼ unaj k-tsʼáaikba tu tséel Jéeoba; maʼ unaj u xuʼulul k-meyajtik le Dios jach ku chʼaʼik óotsililoʼ (Isa 1:16-18; 55:7).

CHAʼANT LE VIDEO JUNPʼÉEL PUKSIʼIKʼAL CHÚUKAʼAN U YÓOL TIʼ JÉEOBA, TSʼOʼOLEʼ NÚUK LE KʼÁATCHIʼOBAʼ:

• ¿Bix u yuʼubikuba le taatatsiloʼob wa juntúul tiʼ u hijoʼobeʼ ku pʼatik Jéeoba?

• ¿Bix jeʼel u yáantaʼal le taatatsiloʼob tumen le sukuʼunoʼoboʼ?

• ¿Baʼax tsikbalil yaan teʼ Biblia eʼesik de ke kʼaʼabéet k-maas yaabiltik Jéeoba ke k-láakʼtsiloʼoboʼ?

• ¿Bix k-eʼesik maas k-yaabiltmaj Jéeoba ke k-láakʼtsiloʼob?