KUXLAKOʼON JEʼEX CRISTOEʼ
Maas maʼalobkíint a kaʼansaj: tsʼáa tuʼux a kaʼa suut
BAʼAXTEN KʼAʼANAʼAN:
K-kʼáat k-jóoyabt u semillail le jaaj t-pakʼoʼ (1Co 3:6). Ken k-il juntúul máak taak u maas kaanbaleʼ maʼalob ka k-beet junpʼéel kʼáatchiʼ utiaʼal k-núukik ken suunakoʼon. Beyoʼ yaan u páaʼtkoʼon, tsʼoʼoleʼ maas chéen chʼaʼabil ken k-líiʼsba utiaʼal k-kaʼa tsikbal tu yéetel. Ken xiʼikoʼon k-ileʼ jeʼel u páajtal k-aʼaliktiʼ taaloʼon k-núuk le kʼáatchiʼ t-beetajtiʼoʼ.
BIX JEʼEL A BEETKEʼ:
-
Ken a líiʼsaba utiaʼal a kʼaʼaytajeʼ tukult bey baʼax kʼáatchiʼil jeʼel a beetik tiʼ u yuumil naj utiaʼal a núukik ken suunakecheʼ. Yéey junpʼéel tiʼ le kʼáatchiʼob yaan teʼ publicación ken a kʼaʼaytoʼ. Wa maʼeʼ yéey tiʼ junpʼéel publicación ku meyaj utiaʼal k-tsʼáaik xook, ken tsʼoʼokkeʼ ka bisiktiʼ ken suunakech a xíimbalte.
-
Ken tsʼoʼokok a tsikbal yéetel juntúul máak taak u maas kaanbaleʼ, aʼaltiʼ a kʼáat kaʼa tsikbal tu yéetel tuláakʼ kʼiin yéetel beet junpʼéel kʼáatchiʼ utiaʼal a núukik ken suunakech. Wa ku béeytaleʼ kʼáat u numeroil u teléfono wa u dirección.
-
Wa ta waʼalaj yaan a suuteʼ, suunakech teʼ hora ta waʼalajtiʼoʼ (Mt 5:37).
