Le Bibliaoʼ u yaʼalmiliʼeʼ yaan u chʼaʼpachtikoʼon Satanás utiaʼal u xuʼulsik k-kʼaʼaytaj (Jn 15:20; Ap 12:17). ¿Baʼax jeʼel u páajtal k-beetik yoʼolal le sukuʼunoʼob ku chʼaʼpachtaʼaloʼob táanxel luʼumiloʼ? Jeʼel u páajtal k-orar tu yoʼolaloʼobeʼ. «U kʼáat óolal le máax toj u kuxtaloʼ jach yaan u muukʼ.» (Snt 5:16.)

Ken orarnakoʼoneʼ, ¿baʼax jeʼel u páajtal k-kʼáatikeʼ? Jeʼel u páajtal k-kʼáatik tiʼ Jéeoba ka u yáant le sukuʼunoʼob utiaʼal maʼ u chʼaʼikoʼob saajkiloʼ (Isa 41:10-13). Jeʼel u páajtal xan k-kʼáatiktiʼ ka chaʼabak k-kʼaʼaytaj tumen le autoridadoʼoboʼ, «utiaʼal beyoʼ maʼ u xuʼulul k-kuxtal ich jeetsʼelil» (1Ti 2:1, 2).

Ka chʼaʼpachtaʼab Pablo yéetel Pedroeʼ le sukuʼunoʼoboʼ orarnajoʼob tu yoʼolaloʼob, hasta tu chʼaʼchiʼitoʼob u kʼaabaʼob (Bx 12:5; Ro 15:30, 31). Toʼoneʼ kex wa maʼ k-ojel bix u kʼaabaʼ le sukuʼunoʼob ku chʼaʼpachtaʼaloʼob bejlaʼoʼ, jeʼel u páajtal k-chʼaʼchiʼitik u múuchʼuliloʼob, u kaajaloʼob wa u luʼumiloʼobeʼ.