Koʼox aʼalikeʼ kajaʼanech Galilea tu kʼiiniloʼob Jesús. Techeʼ tsʼoʼok a bin tak Jerusalén utiaʼal u kʼiinbesajil le Paseloʼoboʼ. Le kaajoʼ jach chuup tumen yaʼabkach máakoʼob bijaʼanoʼob xan adorariʼ. Techeʼ táan a bisik a siibal teʼ altaroʼ. Kex istikyajeʼ táan a wilik bix a máan ichil le máakoʼoboʼ le táan a bisik juntúul chivo a kʼuboʼ. Ken kʼuchkech teʼ templooʼ ka wilik jach táaj chochoʼkil tumen yaʼab máak u kʼáat xan u kʼub u siibal. Le nukaʼaj tocar a kʼubik a siibaloʼ ku kʼaʼajaltech yaan juntúul sukuʼun kʼuuxilnajaʼan ta wéetel. Chéen baʼaleʼ maʼ a wojel wa tiaʼan ichil le templooʼ wa kensa tuʼux ichil le kaaj yanoʼ. Jesuseʼ ku tsolik baʼax unaj a beetik (xok Mateo 5:24). ¿Bix jeʼel a beetik le baʼax tu yaʼalaj Jesús utiaʼal a kaxtik jeetsʼelil yéetel a sukuʼunoʼ? Teʼ lista yaan kabaloʼ marcart le baʼax unaj a beetkeʼexoʼ.

¿BAʼAX UNAJ A BEETIK?

• A bin tʼaan tu yéetel pero chéen wa ka tuklik ta kʼilaj u puksiʼikʼal

• A waʼaliktiʼ maʼ maʼalob u séeb kʼuuxiliʼ yéetel tak tiʼ letiʼ anchaj u culpail le baʼax úuchoʼ

• U chúukpajal a wóol a wuʼuy baʼax ku yaʼalik. Kex maʼ ta naʼatik baʼaxten bey tuukulnajik yéetel kex maʼ a wóoliliʼ a beetik loob tiʼeʼ, kʼáat perdón tiʼ

¿BAʼAX UNAJ U BEETIK LE SUKUʼUNOʼ?

• U tsikbaltik tiʼ uláakʼ sukuʼunoʼob teʼ múuchʼulil le baʼax ta beetaj tiʼoʼ chéen utiaʼal u tsʼáaikubaʼob tu favor

• U chʼinik ta wich le baʼax ta beetaj tiʼoʼ, u kaʼa aʼalik tuláakal baʼax ta waʼalajtiʼ yéetel u yaʼaliktech ka a kʼam tiʼ teech anchaj u culpail

• U tsʼáaik cuenta jach ta weʼesaj kabal óolal tumen binech a wuʼutskíint le baʼax úuchoʼ yéetel u perdonartikech tu jaajil u yóol

Kex bejlaʼaʼ maʼatech k-kʼubik baʼalcheʼob bey siibaleʼ, ¿baʼaxten tu yaʼalaj Jesús kʼaʼabéet k-kaxtik jeetsʼelil yéetel k-sukuʼunoʼob wa k-kʼáat ka u kʼam Dios k-adoración?