Wa táankelmech, x-lóoʼbayanech bey xan wa táan u tsʼaʼabaltech xookeʼ, ¿tsʼoʼok wa a tuklik a wokjaʼ? ¿Baʼaxten kʼaʼabéet u yokjaʼ máak? Tumen kéen u kʼub u kuxtal máak tiʼ Dios yéetel kéen okjaʼanakeʼ ku maas natsʼkuba tu yiknal yéetel ku páajtal u salvarkuba (Sl 91:1; 1Pe 3:21). ¿Baʼax unaj a beetik utiaʼal ka páajchajak a wokjaʼ?

Kʼaʼabéet a creertik de ke jach jaaj le baʼax tsʼoʼok a kanikoʼ. Wa yaan baʼax maʼ ta jach creerkeʼ ilawil a xakʼaltik u maasil tu yoʼolal (Ro 12:2). Kʼaʼabéet xan a kʼexik jujunpʼéel baʼaloʼob ichil a kuxtal. Chéen baʼaleʼ wa yaan a beetkeʼ beet tumen a kʼáat lúubul utsil tiʼ Jéeoba (Pr 27:11; Ef 4:23, 24). Kʼáat tiʼ Jéeoba ka u yáantech, letiʼeʼ jach tu jaajil yaan u yáantkech yéetel u espíritu santo (1Pe 5:10, 11). Jach yaan u taasiktech kiʼimak óolal tuláakal le baʼax ken a beet utiaʼal a meyajtik Jéeobaoʼ (Sl 16:11).

CHAʼANT LE VIDEO LE BEJ KU BISIK MÁAK TIʼ LE OKJAʼOʼ, TSʼOʼOLEʼ NÚUK LE KʼÁATCHIʼOBAʼ:

• Yaan máaxoʼobeʼ, ¿baʼax kʼaʼabéetchaj u beetkoʼob utiaʼal ka páajchajak u yokjaʼob?

• ¿Baʼax jeʼel u yáantik máak utiaʼal u maas nojochtal u fe tiʼ Dios yéetel u taaktal u kʼubik u kuxtal tiʼ letiʼeʼ?

• ¿Baʼax péeks yaʼab sukuʼunoʼob utiaʼal ka okjaʼanakoʼob?

• ¿Bix u bendecirtik Jéeoba le máaxoʼob ku yokjaʼoboʼ?

• ¿Bix u kʼubik u kuxtal máak tiʼ Jéeoba yéetel bix u yokjaʼ?