¿Baʼaxten jach uts tu yich máak le asamblea regionaloʼoboʼ? Tumen jeʼex tu kʼiinil le israelitaʼoboʼ jeʼel u páajtal k-múul alabartik Jéeoba yéetel u cientosil wa tak u milesil sukuʼunoʼobeʼ. Ku kaʼansaʼaltoʼon yaʼab baʼaloʼob yéetel ku páajtal xan k-máansik tiempo yéetel k-amigoʼob bey xan yéetel k-láakʼtsiloʼob. Jach jatsʼuts k-ilik le asambleaʼobaʼ le oʼolal k-ilik k-antal tu yóoxpʼéel kʼiiniloʼobiʼ.

Teʼ asambleaʼobaʼ maʼ chéen k-bin utiaʼal ka kaʼansaʼakoʼoniʼ, k-bin xan utiaʼal k-eʼesik yaabilaj tiʼ u maasil (Gál 6:10; Heb 10:24, 25). K-eʼesik yaabilaj tiʼ k-sukuʼunoʼob wa chéen k-jatsik le sillaʼob kun meyajtoʼonoʼ bey xan kéen k-jeʼekʼabt le joonaj utiaʼal u máan wa máaxoʼ (Flp 2:3, 4). Teʼ asambleaoʼ jeʼel xan u páajtal k-kaxtik u maasil k-amigoʼobeʼ. Maʼalob ka k-il k-tsikbal yéetel le sukuʼunoʼob maʼ k-kʼaj óoloʼoboʼ. Jeʼel u páajtal k-tsikbal tu yéeteloʼob antes u káajal le asambleaoʼ, tu yorail le janaloʼ wa kéen tsʼoʼokok le asambleaoʼ (2Co 6:13). Le amigoʼob ken k-kaxtoʼ maʼ kun xuʼulul u biskubaʼob t-éetel. Tsʼoʼoleʼ kéen ilaʼak tumen le máakoʼob jach tu jaajil k-yaabiltmajbaeʼ maʼ xaaneʼ jeʼel xan u káajal u adorarkoʼob Jéeobaeʼ (Jn 13:35).

CHAʼANT LE VIDEO ASAMBLEA INTERNACIONALOʼOB: «YAABILAJ: MIX BIKʼIN U XUʼULUL», TSʼOʼOLEʼ NÚUK LE KʼÁATCHIʼOBAʼ:

• Teʼ asamblea internacionaloʼob beetaʼab tu añoil 2019, ¿bix úuchik u yeʼesaʼal yaabilaj tiʼ le sukuʼunoʼob táanxel luʼumil u taaloʼoboʼ?

• ¿Baʼaxten jach jatsʼuts ilaʼabik bix u múul meyaj u kaajal Dios yéetel bix u yeʼesaʼal yaabilajiʼ?

• ¿Baʼax tu yaʼalaj le sukuʼunoʼob yanoʼob ichil le Cuerpo Gobernante yoʼolal le yaabilajoʼ?

• ¿Bix úuchik u yilaʼal le yaabilaj tu luʼumil Alemania yéetel Corea del Suroʼ?

• ¿Baʼax unaj k-ilik k-beetik teʼ tu tsʼook kʼiinoʼobaʼ?