¿Baʼaxoʼob beetik a chiʼichnaktal wa a sen tuukul? U poolil le familiaoʼ maʼ xaaneʼ sáamsamal ku tuklik bix ken u beetil tuláakal le baʼax ku páaʼtaʼal ka u beetoʼ. Le máaxoʼob tu juunal ku líiʼsik u paalaloʼoboʼ ku chiʼichnaktaloʼob yoʼolal bix ken u mantenertil u familiaʼob. Le paalaloʼoboʼ maʼ xaaneʼ ku burlartaʼaloʼob teʼ tuʼux ku xookoʼoboʼ. Tsʼoʼoleʼ yaan xan máaxoʼobeʼ kʼojaʼanoʼob wa tsʼoʼok u chan yantal u jaʼabiloʼob. Tuláakloʼon yaantoʼon problemas, chéen baʼaleʼ yaan sukuʼunoʼob maas yaʼab problemas yaantiʼob. U maʼalobileʼ k-ojel maʼ kun xáantaleʼ yaan u luʼsaʼal tuláakal le baʼaloʼob beetik k-chiʼichnaktaloʼ (2Co 4:16-18).

Mientras maʼ kʼuchuk le kʼiin jeʼeloʼ kiʼimak k-óol tumen k-ojel de ke Jéeobaeʼ ku naʼatik bix k-uʼuyikba. Ichil junpʼíit kʼiineʼ letiʼeʼ yaan u bendecirkoʼon tumen maʼ tu xuʼulul k-adorartik yéetel tuláakal k-puksiʼikʼal (Jer 29:11, 12). Jesúseʼ ku tuukul xan t-oʼolal. Letiʼeʼ ku yaʼalik tiʼ tuláakal u discípuloʼob: «Tiʼ yanen ta wéeteleʼex[eʼ]» (Mt 28:20). Wa k-jóoʼsik tiempo utiaʼal k-tuukul tiʼ le kuxtal kun antaltoʼon teʼ túumben luʼumoʼ yaan k-maas creertik le baʼax u prometermaj Diosoʼ yéetel yaan u yantaltoʼon muukʼ utiaʼal k-aguantartik jeʼel baʼalakeʼ (Ro 8:19-21).

CHAʼANT LE VIDEO UNAJ K-CHʼIKIK K-PAAKAT TIʼ JESÚS KEN MUʼYAJNAKOʼON: UTSILOʼOB KEN U TAAS LE REINOOʼ, TSʼOʼOLEʼ NÚUK LE KʼÁATCHIʼOBAʼ:

• ¿Bix úuchik u náachtal wíinik tiʼ Dios, yéetel baʼax tsʼoʼok u yúuchul tu yoʼolal leloʼ?

• ¿Baʼax ken u tsʼáa Jéeoba tiʼ le máaxoʼob meyajtikoʼ?

• ¿Baʼax beetik u béeytal u yantaltoʼon junpʼéel jatsʼuts kuxtal maʼ kun xáantal?

• ¿Máakalmáak tiʼ u promesaʼob Dios maas taak a wilik u béeytal?