Kuxaʼanoʼon ichil máakoʼob ku yaʼalikoʼob uts le baʼax kʼaasoʼ yéetel kʼaas le baʼax utsoʼ (Is 5:20). Yaʼab máakoʼobeʼ ku beetkoʼob le baʼax u pʼekmaj Jéeobaoʼ, ku beetkoʼob baʼaloʼob suʼtsiltak yéetel u yéet xiibiloʼob wa yéetel u yéet koʼoleliloʼob. Jeʼex teʼ escuelaoʼ jeʼel u túulchʼintaʼal a paalal tumen u yéet xookoʼob utiaʼal ka u beetoʼob baʼaloʼob maʼ maʼalobtakiʼ. Le oʼolaleʼ, ¿bix jeʼel a wáantik a paalal utiaʼal u kanik u beetoʼob mantatsʼ baʼax maʼalobeʼ?

Kaʼanstiʼob baʼax u kʼáat Jéeoba ka u beetoʼob (Le 18:3). Jeʼex u bin u nuuktaloʼobeʼ ilawil a kaʼansiktiʼob baʼax ku yaʼalik le Biblia yoʼolal le sexooʼ (Dt 6:7). Maʼalob ka a tukult lelaʼ: «¿Tsʼoʼok wa in kaʼansik tiʼ in paalal yaan jujunpʼéel bix u yeʼesaʼal yaabilaj chéen utiaʼal le máaxoʼob tsʼokaʼan u beeloʼoboʼ? ¿U yojloʼob wa bix u kʼáat Jéeoba ka u vestirtubaʼob? ¿Ku naʼatkoʼob wa yaan partes tiʼ u wíinkliloʼob maʼ unaj u yilaʼal mix u maʼachal tumen u maasiliʼ? ¿U yojloʼob wa baʼax unaj u beetkoʼob kéen óotaʼak eʼesbiltiʼob pornografía wa kéen aʼalaʼaktiʼob ka u beetoʼob baʼax maʼ maʼalobiʼ?». Wa a paalal u yojloʼob baʼax unaj u beetkoʼobeʼ maʼ ken u yoksubaʼob tiʼ problemas yéetel maʼ kun muʼyajoʼob (Pr 27:12; Ec 7:12). Wa k-kaʼansik k-paalaleʼ yaan k-eʼesik jach koʼoj k-ilik le herencia u tsʼaamajtoʼon Jéeobaoʼ (Sl 127:3).

CHAʼANT LE VIDEO BEET JUNPʼÉEL NAJ MIX BIKʼIN KUN KʼASTAL: KANÁANT A PAALAL TIʼ BAʼALOʼOB KʼAASTAK, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten maʼ chéen chʼaʼabil u tsikbal le taatatsiloʼob yéetel u paalaloʼob yoʼolal le sexooʼ?

• ¿Baʼaxten unaj u líiʼsaʼal le paalaloʼob «yéetel u kaʼansaj bey xan yéetel u tsolnuʼuk Jéeoba[oʼ]»? (Ef 6:4).

• ¿Baʼax nuʼukuliloʼob u tsʼaamaj u kaajal Jéeoba utiaʼal u yáantaʼal le paalaloʼoboʼ? (w19.05 pág. 12).

• ¿Baʼaxten kʼaʼabéet u tsikbal le taatatsiloʼob yéetel u paalaloʼob antes tiʼ u yúuchultiʼob wa baʼaxoʼ?