Jeʼex tu kaʼansil Jéeoba u kaajil Israel utiaʼal u meyajoʼob tu tsoololileʼ bey xan u kaʼansik u kaajal teʼ kʼiinoʼobaʼ. Jéeobaeʼ tsʼoʼok u tsʼáaik u najiloʼob Betel, circuitoʼob, múuchʼuliloʼob bey xan grupoʼob utiaʼal u jóokʼol máak kʼaʼaytaj. Tuláakal lelaʼ tsʼaʼan utiaʼal u yúuchul kʼaʼaytaj tiʼ tuláakal máak, tak tiʼ le máaxoʼob tʼanik yaanal idiomaoʼ (Ap 14:6, 7).

¿Tsʼoʼok wa a tuklik a kanik uláakʼ idioma utiaʼal a kʼaʼaytaj tiʼ uláakʼ máakoʼob? Wa minaʼantech tiempo utiaʼal a beetkeʼ teʼ aplicación JW Languageoʼ jeʼel u páajtal a kanik bix jeʼel a káajsik a tsikbal ich uláakʼ idiomaeʼ. Le kéen meyajnaktech le baʼax ta kanaj teʼ aplicaciónoʼ jach yaan u kiʼimaktal a wóol. Yaan a wuʼuyikaba jeʼex úuchik u yuʼubikuba le sukuʼunoʼob teʼ yáax siglo le ka joʼopʼ u kʼaʼaytajoʼob ichil le idioma ku tʼanik le máaxoʼob ku taaloʼob táanxel luʼumiloʼoboʼ (Hch 2:7-11).

CHAʼANT LE VIDEO BEETABA U AMIGO JÉEOBA: KʼAʼAYTAJNEN ICH YAANAL IDIOMA, TSʼOʼOLEʼ NÚUK LE KʼÁATCHIʼOBAʼ:

• ¿Bix jeʼel u yáantkoʼon le aplicación JW Languageoʼ?

• ¿Baʼaxoʼob ku taasik le aplicación jeʼelaʼ?

• ¿Baʼax idiomaʼob ku tʼaʼanal teʼ tuʼux k-kʼaʼaytajoʼ?

• ¿Baʼax unaj k-beetik wa k-ilik taak u maas kaanbal juntúul máak ku tʼanik yaanal idioma? (od-S pág. 100 párr. 39-41).