¿Baʼaxten unaj a waʼalik tiʼ a taataʼob bix a wuʼuyikaba? (Pr 23:26). Tumen Jéeoba tsʼaamiloʼob utiaʼal u kanáantechoʼob yéetel u nuʼuktechoʼob (Sl 127:3, 4). Wa maʼ ta waʼaliktiʼob baʼax ku yúuchultecheʼ maʼ kun páajtal u yáantkechoʼob. Tsʼoʼoleʼ maʼ ten a jóoʼs u yutsil tuláakal le baʼaxoʼob u yojloʼoboʼ. Chéen baʼaleʼ, ¿kʼaʼabéet wa a tsikbaltik tiʼ a taataʼob jach tuláakal baʼal? U jaajileʼ maʼ, pero wa táan a beetik junpʼéel baʼal a wojel maʼ maʼalobeʼ maʼ unaj a taʼakiktiʼobiʼ (Pr 3:32).

¿Baʼax jeʼel u páajtal a beetik utiaʼal a tsikbal yéetel a taataʼobeʼ? Ilawil baʼax súutukil jeʼel u páajtal a múul tsikbaleʼexeʼ. Jeʼel xan u páajtal a tsʼíibtik junpʼéel carta tiʼob utiaʼal a waʼaliktiʼob jach bix a wuʼuyikabaeʼ. Chéen baʼaleʼ, ¿kux túun wa letiʼobeʼ taak u tsikbaloʼob tiʼ yaanal baʼal? Kex wa maʼ taak a tsikbal tiʼ leloʼ, unaj a kʼaʼajsikeʼ letiʼobeʼ taak u yáantkechoʼob. A taataʼobeʼ a amigoʼob, maʼ a enemigoʼobiʼ. Wa ka tsikbaltik tiʼ a taataʼob tuláakal baʼax ku yúuchultecheʼ, le baʼax ken u yaʼaloʼobtechoʼ yaan u yáantkech utiaʼal mantatsʼ (Pr 4:10-12).

CHAʼANT LE VIDEO IN KUXTAL TIN PAALIL: TSIKBALNEN YÉETEL A PAPÁʼOB, TSʼOʼOLEʼ NÚUK LE KʼÁATCHIʼOBAʼ:

• ¿Baʼax tu yaʼalaj Esther yéetel Partik?

• ¿Baʼax jeʼel a kanik tiʼ Jesúseʼ?

• ¿Bix u yeʼesik a taataʼob u yaabiltmechoʼob?

• ¿Baʼax tekstoiloʼob jeʼel u yáantkech utiaʼal a tsikbal yéetel a taataʼobeʼ?