¿Baʼaxten kʼaʼabéet a prepararkaba? Kʼaʼabéet tumen tuláakal máak jeʼel u kʼaʼabéettal u jáan bin hospitaleʼ. Wa k-kʼáat ka atendertaʼakoʼon maʼalobeʼ yaan baʼax kʼaʼabéet k-beetik desde bejlaʼeʼ. Beyoʼ yaan k-eʼesik k-yaabiltmaj k-kuxtal yéetel k-respetartik le baʼax u yaʼalmaj Jéeoba yoʼolal le kʼiʼikʼoʼ (Hch 15:28, 29).

¿Bix jeʼel a prepararkabaeʼ?

• Le kéen tsʼoʼokok a orar yéetel a jach tuklik baʼax ken a beeteʼ chup a directriz médica (DPA). a Le máaxoʼob okjaʼanajaʼanoʼoboʼ jeʼel u páajtal u kʼáatkoʼob le directriz tiʼ le sukuʼun ilik le publicaciónoʼob teʼ múuchʼuliloʼ. Le taatatsiloʼoboʼ jeʼel u páajtal u kʼáatkoʼob le Tarjeta de identidad (ic) utiaʼal le paalaloʼob maʼ u tsʼáaj 18 años tiʼoboʼ.

• Juntúul kiik embarazadaeʼ jeʼel u páajtal u kʼáatik tiʼ le ancianoʼob le juʼun ku kʼaabaʼtik Utiaʼal koʼoleloʼob embarazadaʼob (S-401), tumen leloʼ jeʼel u yáantik u chʼaʼ maʼalob decisiónoʼob teʼ kʼiinoʼob embarazadaoʼ bey xan teʼ kʼiin kéen síijik u chaambaloʼ.

• Wa yaan u kʼaʼabéettaltech junpʼéel tratamiento tuʼux maʼ xaaneʼ yaan u yaʼalaʼal u tsʼaʼabaltech kʼiʼikʼ wa yaan u kʼaʼabéettal a pʼáatal hospitaleʼ unaj a waʼalik tiʼ le ancianoʼoboʼ, yéetel tiʼ le máaxoʼob ku meyaj teʼ hospitaloʼ unaj a waʼalik uts ta tʼaan ka u xíimbaltech juntúul u testigo Jéeoba.

¿Bix jeʼel u yáantkech le ancianoʼoboʼ? Jeʼel u yáantkechoʼob a chup a directrizeʼ, chéen baʼaleʼ teech unaj a yéeyik baʼax tratamientoil ken a kʼame (Ro 14:12; Gál 6:5). Le kéen a waʼal tiʼ le ancianoʼob taak u tsʼaʼabaltech kʼiʼikʼ tumen le doctoroʼoboʼ letiʼobeʼ yaan u tʼankoʼob le Comité tiʼ Enlace yéetel le Hospitaloʼoboʼ (CEH).

¿Bix jeʼel u yáantkech le CEH? Le sukuʼunoʼob yanoʼob ichil le comitéoʼ kaʼansaʼanoʼob utiaʼal ka u tsoloʼob tiʼ le máaxoʼob ku meyajoʼob teʼ hospitaloʼob baʼaxten maʼ t-kʼamik kʼiʼikʼoʼ. Letiʼobeʼ jeʼel u yaʼalikoʼob tiʼ le máaxoʼob atenderkech baʼax uláakʼ tratamientoil jeʼel u páajtal u tsʼaʼabaltecheʼ. Wa ku kʼaʼabéettaleʼ letiʼobeʼ jeʼel u yáantkechoʼob xan a kaxt juntúul doctor jeʼel u yóotik u atendertech x-maʼ kʼiʼikʼileʼ.

CHAʼANT LE VIDEO ¿BAʼAX JEʼEL A BEETIK UTIAʼAL KA MEYAJNAKTECH MAʼALOB LE KʼIʼIKʼOʼ?, TSʼOʼOLEʼ NÚUK LE KʼÁATCHIʼAʼ:

• ¿Baʼax unaj a beetik utiaʼal a prepararkaba tumen jeʼel u kʼaʼabéettal a jáan bin hospital yéetel jeʼel u yaʼalaʼal u tsʼaʼabaltech kʼiʼikʼeʼ?

  Your answer