Teʼ tu tsʼook kʼiinoʼobaʼ tuláakloʼon k-aktáantik baʼaloʼob talamtak. Yaan kʼiineʼ jeʼel k-uʼuyik minaʼantoʼon u muukʼil utiaʼal k-aktáantikeʼ. Chéen baʼaleʼ wa k-chaʼik u yáantkoʼon Jéeobaeʼ yaan u páajtal k-aguantartik jeʼel baʼaxakeʼ (Isa 43:2, 4). Wa yaan baʼax táan a muʼyajtikeʼ, ¿baʼax jeʼel u yáantkech a natsʼaba tiʼ Jéeobaeʼ?

Le oraciónoʼ. Wa k-aʼalik tiʼ Jéeoba bix k-uʼuyikbaeʼ letiʼe jeʼel u tsʼáaiktoʼon jeetsʼelileʼ bey xan u muukʼil k-aguantartik le baʼax ku yúuchultoʼonoʼ (Flp 4:6, 7; 1Te 5:17).

Le muchʼtáambaloʼoboʼ. Teʼ kʼiinoʼobaʼ jach kʼaʼabéettoʼon le janal espiritual ku tsʼaʼabaltoʼon teʼ muchʼtáambaloʼoboʼ bey xan le k-paklan líiʼsik k-óol yéetel le sukuʼunoʼoboʼ (Heb 10:24, 25). Le kéen k-líiʼsba utiaʼal le muchʼtáambaloʼob, le kéen xiʼikoʼoniʼ yéetel le kéen táakpajkoʼoneʼ k-maas jóoʼsik u yutsil le áantaj ku tsʼáaik u espíritu santo Jéeobaoʼ (Ap 2:29).

Le kʼaʼaytajoʼ. Wa k-ilik k-táakpajal mantatsʼ teʼ kʼaʼaytajoʼ jeʼel u yáantkoʼon utiaʼal u kiʼimaktal k-óoleʼ. Tsʼoʼoleʼ k-maas bisikba yéetel Jéeoba bey xan yéetel le sukuʼunoʼoboʼ tumen táan k-múul meyaj tu yéeteloʼob (1Co 3:5-10).

CHAʼANT LE VIDEO JÉEOBA KANÁANTKEN, TSʼOʼOLEʼ NÚUK LE KʼÁATCHIʼOBAʼ:

• ¿Baʼax áant Malu utiaʼal u pʼáatal naatsʼ tiʼ Jéeoba?

  Your answer

• Jeʼex tu yáantil Malueʼ, ¿bix u yáantkoʼon xan Salmo 34:18?

  Your answer

• U ejemplo Malueʼ, ¿bix u yeʼesiktoʼon Jéeobaeʼ ku tsʼáaiktoʼon «le páajtalil ku píitmáan tiʼ u muukʼ wíinik» utiaʼal k-aktáantik nukuch problemasoʼ? (2Co 4:7).

  Your answer