Toʼoneʼ taak k-kiʼimakkúuntik u yóol Jéeoba, le oʼolal antes k-chʼaʼtuklik junpʼéel baʼaleʼ k-chʼaʼik en cuenta baʼax ku tuklik, kex yaan hora maʼ tu jach aʼalik le Biblia baʼax unaj k-beetkoʼ (Pr 27:11). ¿Baʼax áantkoʼon k-ojéelt baʼax ku tuklik Jéeoba?

K-xakʼalxoktik sáamsamal le Bibliaoʼ. Cada ken k-xok le Bibliaoʼ bey táan k-tsikbal yéetel Jéeobaeʼ. Utiaʼal k-naʼatik bix u tuukul Jéeobaeʼ k-ilik bix tu tratartil u kaajal úuchjeakil yéetel k-kaanbal tiʼ le máaxoʼob ku chʼaʼchiʼitaʼaloʼob teʼ Bibliaoʼ, le tu beetoʼob baʼaloʼob maʼalobtakoʼ bey xan le maʼatechoʼ. Bey túunoʼ le kéen kʼaʼabéetchajak k-chʼaʼtuklik wa baʼaxeʼ le espíritu santooʼ ku kʼaʼajsiktoʼon le baʼaxoʼob tsʼoʼok k-kanik teʼ Biblia jeʼel u yáantkoʼonoʼ (Jn 14:26).

K-xakʼalxoktik le publicaciónoʼoboʼ. Antes k-chʼaʼtuklik junpʼéel baʼaleʼ k-tuklik: «¿Baʼax tekstoiloʼob tiʼ le Biblia jeʼel u yáantken in wil baʼax ku tuklik Jéeobaoʼ?». K-kʼáatik tiʼ Jéeoba ka u yáantoʼon yéetel ku meyajtoʼon le jejeláas baʼaloʼob yaan utiaʼal xakʼalxookoʼ. Beyoʼ ku páajtal k-kaxtik información jeʼel u yáantkoʼoneʼ (Sl 25:4).

CHAʼANT LE VIDEO UNAJ U CHÚUKPAJAL K-ÓOL ÁALKAB: TSÉENTABA YÉETEL «CHICHICH JANAL», TSʼOʼOLEʼ NÚUK LE KʼÁATCHIʼOBAʼ:

• ¿Baʼaxoʼob tu aktáantaj le x-chʼúupaloʼ?

  Your answer

• ¿Bix jeʼel u yáantkoʼon xan le jejeláas baʼaloʼob yaan utiaʼal xakʼalxookoʼ?

  Your answer

• ¿Baʼaxten maʼalob ka xakʼalxooknakoʼon antes k-chʼaʼtuklik junpʼéel baʼal? (Heb 5:13, 14).

  Your answer