Cada añoeʼ u testigoʼob Jéeobaeʼ jach ku tsʼíiboltkoʼob u kʼuchul u kʼiinil le Kʼaʼajsajiloʼ. Wa jaypʼéel semanaʼob antes le Kʼaʼajsajiloʼ bey xan le kéen tsʼoʼokokeʼ k-alabartik Jéeoba tuláakal súutukil yéetel k-tsʼáaiktiʼ u graciasil le baʼax tu beetaj Jesúsoʼ (Ef 1:3, 7). Antes le Kʼaʼajsajiloʼ k-invitartik le máakoʼob utiaʼal le kʼiin jeʼeloʼ. Yaan sukuʼunoʼobeʼ ku beetik u precursor auxiliariloʼob de 30 wa 50 horaʼob tu mesil marzo wa abril. ¿Baʼax unaj a beetik wa taak a maas táakpajal teʼ kʼaʼaytaj tu kʼiiniloʼob le Kʼaʼajsajiloʼ?

U suukileʼ le baʼaloʼob con tiempo tu chʼaʼtuklaʼaloʼ ku jóokʼol maʼalobil (Pr 21:5). Le Kʼaʼajsajiloʼ jach naatsʼ yanil, le oʼolal desde beora unaj a chʼaʼtuklik baʼax ken a beetaʼ. Tukult baʼax metasil ken a tsʼáa utiaʼal u kʼiiniloʼob le Kʼaʼajsajiloʼ yéetel baʼax unaj a beetik utiaʼal a chukpachtik. Le kéen tsʼoʼokkeʼ ka kʼáatik tiʼ Jéeoba ka u bendecirt le baʼaxoʼob ken a tsʼáa a wóol a beetoʼ (1Jn 5:14, 15).

¿Yaan wa uláakʼ baʼax ku taal ta tuukul jeʼel u páajtal a beetik utiaʼal a maas kʼaʼaytaj tu kʼiiniloʼob le Kʼaʼajsajiloʼ?