KUXLAKOʼON JEʼEX CRISTOEʼ
Áant a paalal utiaʼal ka muʼukʼaʼanchajak u fejoʼob tiʼ Dios
Tuláakal baʼax beetaʼaneʼ táan u kʼaʼaytik u nojbeʼenil Jéeoba (Sl 19:1-4; 139:14). Baʼaleʼ u yóokʼol kaab Satanaseʼ u kʼáat ka k-creert maʼ Dios beet u yantal le kuxtaloʼ (Ro 1:18-25). Utiaʼal maʼ u kʼaskúuntaʼal u tuukul a paalaleʼ, kaʼanstiʼob desde tu chichniloʼob jach tu jaajil yaan Jéeoba. Eʼestiʼobeʼ Dioseʼ u yaabiltmaj cada juntúul tiʼ toʼon (2Co 10:4, 5; Ef 6:16). Uʼuytiʼob jach baʼax ku tuklikoʼob yoʼolal le kaʼansaj ku tsʼaʼabaltiʼob teʼ escuelaoʼ; utiaʼal a kʼuchul tu puksiʼikʼaloʼobeʼ meyajnaktech le áantajoʼob tsʼaʼantoʼonoʼ (Pr 20:5; Snt 1:19).
CHAʼANT LE VIDEO BAʼAX KU YAʼALIK ULÁAKʼ PAALALOʼOB: A CREERTIK DIOS, TSʼOʼOLEʼ KA NÚUKIK LE KʼÁATCHIʼOBAʼ:
¿Baʼax suuk u yaʼalaʼal yoʼolal u creertaʼal Dios?
¿Baʼax ku kaʼansaʼal teʼ escuela tuʼux ka binoʼ?
Techeʼ ¿baʼax beetik a creertik yaan Jéeoba?
¿Bix jeʼel a wáantik wa máax u tsʼáa cuenta Dios beetmil tuláakal baʼax yaneʼ?
Maʼ xaaneʼ jeʼel u yutstal xan ta wicheʼ
LE PAALALOʼOBOʼ TAAK U YOJÉELTIKOʼOB
¿Bix yanchajik tuláakal baʼal? Yáax jaats: ¿Baʼaxten kin creertik yaan Dios?
¿A kʼáat wa a wojéelt bix jeʼel a tsolik baʼaxten ka creertik yaan Dioseʼ? Teʼelaʼ yaan a kanik baʼax jeʼel a waʼalikeʼ.
