Le esperanzaoʼ bey junpʼéel anclaeʼ (Heb 6:19). Ken yanaktoʼon problemaʼobeʼ ku yáantkoʼon utiaʼal maʼ k-náachtal tiʼ Dios (1Ti 1:18, 19). Yaan kʼiineʼ jeʼel u lúubul k-óol tumen maʼ jóokʼ maʼalobil le baʼax k-tukultmoʼ, jach kʼojaʼanoʼon, k-peʼertik wa baʼax, wa kíim wa máax k-yaabiltmaj.

Le fe yéetel le esperanzaoʼ ku yáantkoʼon k-il bey tsʼoʼok k-kʼamik le baʼax u yaʼalmaj Diosoʼ (2Co 4:16-18; Heb 11:13, 26, 27). Le oʼolaleʼ kex wa táan k-páaʼtik kuxtal way Luʼum wa teʼ kaʼanoʼ, unaj k-tuukul tiʼ u promesaʼob Dios tsʼíibtaʼan teʼ Bibliaoʼ. Beyoʼ kex jeʼel baʼaxak ka k-aktáanteʼ maʼ tun xuʼulul k-meyajtik Dios yéetel kiʼimak óolal (1Pe 1:6, 7).

CHAʼANT LE VIDEO KIʼIMAK K-ÓOL YOʼOLAL LE ESPERANZA YAANTOʼONOʼ, TSʼOʼOLEʼ KA NÚUKIK LE KʼÁATCHIʼOBAʼ:

• ¿Baʼaxten maʼalob ka k-beet jeʼex Moiseseʼ?

• ¿Baʼax kʼaʼabéet u beetik u poolil le familiaoʼ?

• ¿Baʼax jeʼel a táakbesik teʼ adoración ich familiaoʼ?

• ¿Bix jeʼel u yáantkech le esperanza utiaʼal maʼ u kaʼapʼéeltal a tuukul kex jeʼel baʼaxak ka úuchkeʼ?

• ¿Baʼax maas ka tsʼíiboltik u béeychajal?