KUXLAKOʼON JEʼEX CRISTOEʼ
Maas maʼalobkíint a kaʼansaj: meyajnaktech maʼalob le kʼáatchiʼoboʼ
BAʼAXTEN KʼAʼANAʼAN: Wa u tuukul máak «bey taamkach jaʼeʼ» le kʼáatchiʼoboʼ jeʼel u yáantkoʼon k-ojéelt baʼax ku tuklikeʼ (Pr 20:5). Wa ku tukultik máak baʼax kʼáatchiʼil kun meyajtiʼeʼ jeʼel u beetik u táakpajal u maasil teʼ tsikbaloʼ. Tsʼoʼoleʼ le baʼax ku núukikoʼ ku yeʼesik baʼax yaan tu puksiʼikʼal. Tiʼ Jesuseʼ meyajnaj maʼalob le kʼáatchiʼoboʼ. ¿Bix jeʼel k-beetik jeʼex letiʼeʼ?
BIX JEʼEL A BEETKEʼ:
-
Kʼáatchiʼob utiaʼal a wojéeltik baʼax ku tuklik u maasil. Jesuseʼ tu beetaj jejeláas kʼáatchiʼob utiaʼal u yojéeltik baʼax ku tuklik u disipuloʼob (Mt 16:13-16; be t.j. 238 § 3-5). ¿Bix jeʼel a beetik le kʼáatchiʼob beyaʼ?
-
Kʼáatchiʼob utiaʼal u yilik baʼax unaj u núukik. Jesuseʼ tu beetaj jejeláas kʼáatchiʼob tiʼ Pedro utiaʼal u tsʼáaik cuenta baʼax unaj u núukik (Mt 17:24-26). ¿Baʼax kʼáatchiʼiloʼob unaj a beetik utiaʼal a wáantik wa máax u yil baʼax jeʼel u núukikeʼ?
-
Felicitart úuchik u núukik tubeel. Jesuseʼ tu felicitartaj juntúul máak tumen «jach maʼalob le baʼax tu yaʼalaj[oʼ]» (Mr 12:34). ¿Baʼax jeʼel a waʼalik kéen núukaʼak tubeel junpʼéel kʼáatchiʼeʼ?
KÉEN TSʼOʼOKOK A CHAʼANTIK U YÁAX JAATSIL LE VIDEO UNAJ K-SEGUERTIK LE MEYAJ TU KÁAJSAJ CRISTOOʼ: K-KAʼANSAJ, NÚUK LE KʼÁATCHIʼOBAʼ:
-
Kex maʼalob baʼax tu yaʼalaj le sukuʼunoʼ, ¿baʼaxten maʼ maʼalob bix kaʼansajnajikiʼ?
-
¿Baʼaxten maʼ unaj k-sen tsolik yaʼab baʼaloʼobiʼ?
ILAWIL U KAʼA JAATSIL LE VIDEOOʼ, TSʼOʼOLEʼ NÚUK LE KʼÁATCHIʼOBAʼ:
-
¿Baʼaxten k-aʼalik maʼalob bix úuchik u meyaj le kʼáatchiʼob tiʼ le sukuʼunoʼ?
-
¿Baʼax jeʼel u páajtal k-kanik tiʼ le bix kaʼansajnajik le sukuʼunoʼ?