Tiʼ Jesuseʼ meyajnaj u kettʼaanil le trigo yéetel le kʼaakʼas xíiw utiaʼal u tsolik bix ken u yéeyil le máaxoʼob kun binoʼob kaʼanoʼ yéetel baʼax kʼiin ken u beete, lelaʼ káaj tu añoil 33 tsʼ.t.J.

13:24

‹Juntúul máakeʼ tu pakʼaj maʼalob trigo tu kool›

• Le máax ku paakʼaloʼ: Jesucristo

• Ku paʼakʼal maʼalob trigo: Ku weʼekel kiliʼich muukʼ yóokʼol le disipuloʼoboʼ

• Le kooloʼ: U máakiloʼob yóokʼol kaab

13:25

«Le táan u wenel tuláakal le máakoʼoboʼ, taal u enemigoeʼ ka tu pakʼaj kʼaakʼas xíiw»

• Le enemigooʼ: Le Kʼaasilbaʼaloʼ

• Ku wenel le máakoʼoboʼ: U kíimil le apostoloʼoboʼ

13:30

«Chaʼex u múul nuuktaloʼob tak ken kʼuchuk u kʼiinil le joochoʼ»

• Le trigooʼ: Le yéeyaʼanoʼoboʼ

• Le kʼaakʼas xíiwoʼ: Le maʼ jaajil cristianoʼoboʼ

«Muchʼkíinteʼex táanil le kʼaakʼas xíiwoʼ [...]; ken tsʼoʼokkeʼ ka molkeʼex le trigo[oʼ]»

• Palitsiloʼob wa máaxoʼob ku joochoʼob: Le angeloʼoboʼ

• Ku muchʼkíintaʼal le kʼaakʼas xíiwoʼ: Ku jaʼatsal le maʼ jaajil cristianoʼob tiʼ le yéeyaʼanoʼoboʼ

• Ku moʼolol le trigo utiaʼal tsʼaabil teʼ chʼiiloʼ: Ku káajal u muʼuchʼul le yéeyaʼanoʼob ichil u kaajal Diosoʼ

Le ka káaj le joochoʼ, ¿bix ilaʼabik máax le jaajil cristianoʼob tiʼ le maʼatechoʼoboʼ?

¿Baʼax utsil ku taasik in kaanbal tiʼ le kettʼaanaʼ?