Kéen a wil junpʼéel jatsʼuts lool, le estrellaʼob yéetel bix u juum u jaʼil junpʼéel cascadaeʼ, ¿ka tuukul wa tiʼ le Máax beetmiloʼ? Le baʼaloʼob u beetmaj Diosoʼ ku yeʼesiktoʼon bix letiʼ (Ro 1:20). Kéen tuukulnakoʼon tiʼ le baʼaxoʼob u beetmoʼ k-ilik u jatsʼuts modos jeʼex páajtalil, yaabilaj, naʼat, justicia yéetel utsil (Sl 104:24).

¿Ka jóoʼsik wa tiempo utiaʼal a chaʼantik baʼax u beetmaj Jéeoba? Kex kajaʼanech tiʼ junpʼéel nojoch kaajeʼ jeʼel u páajtal a wilik le mejen chʼíichʼoʼoboʼ bey xan le nukuch cheʼoboʼ. K-tuukul tiʼ le baʼaxoʼob u beetmaj Jéeobaoʼ ku yáantkoʼon utiaʼal maʼ k-sen chiʼichnaktal, maʼ k-sen tuukul tiʼ baʼax ku yúuchultoʼon, tsʼoʼoleʼ ku muʼukʼaʼantal k-fe tiʼ Jéeoba tumen k-ojel yaan u kanáantkoʼon mantatsʼ (Mt 6:25-32). Wa yaan a paalaleʼ áant u yiloʼob u jatsʼuts modos Jéeoba. Wa kiʼimak k-óol yoʼolal baʼaxoʼob u beetmeʼ yaan k-maas náatsʼal tu yiknal (Sl 8:3, 4).

CHAʼANT LE VIDEO LE BAʼAXOʼOB U BEETMAJ DIOSOʼ KU YEʼESIK U NOJBEʼENIL: LE SÁASILOʼ YÉETEL LE COLOROʼOBOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax beetik u yantal u color le baʼaloʼoboʼ?

• ¿Baʼax beetik u yilaʼal le jejeláas coloroʼoboʼ?

• ¿Baʼaxten le kaʼanoʼ ku chíikbesik jejeláas coloroʼob?

• ¿Baʼax coloriloʼob jach jatsʼutstak a wilmaj naatsʼ teʼ tuʼux kajaʼanechoʼ?

• ¿Baʼaxten unaj k-jóoʼsik tiempo utiaʼal k-chaʼantik le baʼaxoʼob u beetmaj Diosoʼ?