Bejlaʼeʼ séeb jeʼel k-talamkúuntik k-kuxtaleʼ. Yaʼab tiempo yéetel muukʼ k-xupik utiaʼal k-maan, k-boʼol, bey xan utiaʼal k-usartik, k-utskíintik yéetel k-kanáantik baʼax yaantoʼon. Jesuseʼ kuxlaj chéen yéetel junpʼíit baʼaloʼob, le oʼolal mix baʼal náays u yóol le táan u meyajtik Diosoʼ (Mt 8:20).

¿Baʼax jeʼel a beetik utiaʼal a maas meyajtik Dios sin ke u náaysaʼal a wóol tumen mix baʼaleʼ? Wa ka beetik jujunpʼéel kʼeexoʼobeʼ, ¿jeʼel wa u beetik u precursoril wa máax ichil a wotocheʼ? Kex precursorecheʼ, ¿yaan wa baʼax tsʼoʼok u talamkúuntik a kuxtal? Wa ka kuxtal chéen yéetel baʼax kʼaʼabéettecheʼ yaan a meyajtik Jéeoba yéetel kiʼimak óolal (1Ti 6:7-9).

Tsʼíibt baʼax kʼeexiloʼob jeʼel u páajtal a beetkeʼ.