9:62

Utiaʼal ka jóokʼok toj le luʼum ku bukʼlaʼaloʼ le máax beetik le meyajoʼ maʼ unaj u paakat paachiliʼ. Toʼon xaneʼ maʼ unaj k-sutik k-paakat utiaʼal k-tsʼíiboltik le baʼaxoʼob tsʼoʼok k-pʼatik teʼ yóokʼol kaabaʼ (Flp 3:13).

Kéen yanaktoʼon problemaʼobeʼ maʼ xaaneʼ jeʼel u káajal k-kʼaʼajsik le baʼaxoʼob t-pʼataj táanil tiʼ u káajal k-meyajtik Jéeobaoʼ. Kéen k-beet lelaʼ maases k-tuukul tiʼ le baʼaxoʼob maʼalobtakoʼ, maʼ tak tiʼ le baʼaxoʼob kʼaastakoʼ. Lelaʼ bey xan úuchik tiʼ le israelitaʼob ka jóokʼoʼob Egiptooʼ (Nú 11:5, 6). Wa k-sen tuukul tiʼ le baʼaxoʼob tsʼoʼok u máanoʼoboʼ jeʼel u taaktal k-kaʼa kuxtal beyoʼ. Le oʼolaleʼ maas maʼalob ka tuukulnakoʼon tiʼ le bendicionoʼob yaantoʼon bejlaʼoʼ yéetel le ken u taas u Reino Diosoʼ (2Co 4:16-18).