Utiaʼal u beetik máak baʼax ku yaʼalik Dioseʼ kʼaʼabéet u síijil tu puksiʼikʼal (Pr 3:1). Le oʼolaleʼ kéen k-kaʼans wa máaxeʼ kʼaʼabéet k-ilik k-kʼuchul tu puksiʼikʼal. ¿Bix jeʼel k-beetkeʼ?

Maʼ chéen unaj k-kaʼansik tiʼ le j-xoknáal le baʼax ku yaʼalik le Bibliaoʼ baʼaxeʼ unaj k-áantik u yil bix jeʼel u tsʼáaik ichil u kuxtaleʼ yéetel bix jeʼel u yáantik utiaʼal u náatsʼal tiʼ Dioseʼ. Unaj xan k-áantik u yileʼ tuláakal le baʼax ku yaʼaliktoʼon Dios ka k-beetoʼ ku yeʼesik jach nojoch u yaabilaj, u yutsil yéetel u justicia. Maʼalob xan ka k-beet preguntaʼob utiaʼal k-ilik baʼax ku tuklik yoʼolal le baʼaxoʼob táan u kanikoʼ. Unaj xan k-áantik u yileʼ maas jeʼel u bin utsil tiʼ wa ku xuʼulul u beetik le baʼaxoʼob u pʼeek Diosoʼ. Kéen k-il bix u yaabiltaʼal Jéeoba tumen le j-xoknáaloʼ jach yaan u kiʼimaktal k-óol.

CHAʼANT LE VIDEO KIʼIMAK K-ÓOL K-KAʼANSIK U MAASIL. UNAJ K-MAAS MAʼALOBKÍINTIK K-KAʼANSAJ: KʼUCHKOʼON TU PUKSIʼIKʼALOʼOB, TSʼOʼOLEʼ NÚUK LE KʼÁATCHIʼOBAʼ:

• ¿Baʼaxten Ritaeʼ tu kʼáataj tiʼ Coral wa tsʼoʼok u tuukul yoʼolal le baʼax tu tsikbaltoʼob martesoʼ?

• ¿Bix áantaʼabik u yil Coraleʼ le baʼaxoʼob ku yaʼalik Jéeobaoʼ ku yeʼesik u yaabiltmaj máak?

• ¿Bix áantaʼabik u yil Coral bix jeʼel u páajtal u yeʼesik u yaabiltmaj Jéeobaeʼ?