Kéen u tsʼáauba máak tu lugar u maasileʼ ku yilik u naʼatik baʼax ku tuklik, baʼax ku yuʼubik wa baʼax kʼaʼabéettiʼ. Le yaabilajoʼ letiʼe baʼax péeksik máak u tsʼáauba tu lugar u maasiloʼ. Kéen kʼaʼaytajnakoʼoneʼ kʼaʼabéet k-tsʼáaikba tu lugar le máaxoʼob uʼuyikoʼonoʼ, beyoʼ yaan k-eʼesiktiʼob bukaʼaj yaabiltaʼaniloʼob tumen Jéeoba yéetel maʼ xaaneʼ jeʼel u taaktal u natsʼkubaʼob tu yiknaleʼ (Flp 2:4).

Juntúul máax ku tsʼáaikuba tu lugar u maasileʼ ku chʼenxikintik baʼax ku yaʼalaʼaltiʼ, ku kanáantik baʼax ku yaʼalik yéetel ku yeʼesik jatsʼuts modos, lelaʼ chíikaʼan tak tu táan u yich. Utiaʼal k-eʼesik le jatsʼuts modosaʼ kéen k-áant wa máaxeʼ unaj k-chʼaʼik en cuenta baʼax jatsʼuts u yilik, baʼaxoʼob ku creertik yéetel bix kuxlik. Tsʼoʼoleʼ kex k-ilik k-áantikeʼ maʼatech k-obligartik. Kéen k-áant u maasil u kʼaj óoltoʼob Jéeobaeʼ jach ku kiʼimaktal k-óol.

CHAʼANT LE VIDEO KIʼIMAK K-ÓOL K-KAʼANSIK U MAASIL. UNAJ K-MAAS MAʼALOBKÍINTIK K-KAʼANSAJ: UNAJ K-TSʼÁAIKBA TU LUGAR U MAASIL, TSʼOʼOLEʼ NÚUK LE KʼÁATCHIʼOBAʼ:

• ¿Bix úuchik u tsʼáaikuba Rita tu lugar Coral le ka kʼuch tardeoʼ?

• ¿Bix úuchik u tsʼáaikuba Rita tu lugar Coral le ka tu yaʼalaj jach estresada yéetel maʼ tu páajtal u xookoʼ?

• ¿Bix úuchik u tsʼáaikuba Rita tu lugar Coral le ka tu yaʼalaj maʼ tu páajtal u tsʼáaik tuláakal baʼal tu lugaroʼ?