Le Bibliaoʼ ku yaʼalikeʼ unaj k-tratartik le sukuʼunoʼob yaan u jaʼabiloʼob jeʼex k-taataʼobeʼ yéetel le táankelmoʼoboʼ bey k-sukuʼunoʼobeʼ (xok 1 Timoteo 5:1, 2). Le sukuʼunoʼoboʼ maas unaj u tratarkoʼob maʼalob yéetel u respetarkoʼob le kiikoʼoboʼ.

Juntúul sukuʼuneʼ junpuliʼ maʼ unaj u coquetear yéetel juntúul kiikiʼ mix unaj u beetik u yuʼubikuba jelaʼaniliʼ (Job 31:1). Tsʼoʼoleʼ maʼ unaj xan u tsʼáaik naʼatbil u kʼáat u bisuba yéetel juntúul kiik wa maʼ taak u tsʼoʼokol u beeliʼ.

Wa juntúul kiik ku kʼáatik wa baʼax bey xan wa ku yaʼalik junpʼéel baʼax táan u yilik u yúuchleʼ, le ancianoʼoboʼ unaj u chʼenxikintikoʼob. Baʼaleʼ maases unaj u yeʼeskoʼob u yutsiloʼob tiʼ le kiikoʼob tu juunal yanoʼoboʼ (Rut 2:8, 9).

CHAʼANT LE VIDEO MAʼ U XUʼULUL A WEʼESIK YAABILAJ TEʼ MÚUCHʼULIL TIʼ LE VIUDAʼOB BEY XAN TIʼ LE KIMEN U TAATAʼOBOʼ, TSʼOʼOLEʼ NÚUK LE KʼÁATCHIʼOBAʼ:

• ¿Bix eʼesaʼabik yaabilaj tiʼ kiik Myint tumen le sukuʼunoʼoboʼ?

• Le yaabilaj eʼesaʼab tiʼ le kiikoʼ, ¿bix tu beetil u yúuchul tʼaan maʼalob tiʼ u kʼaabaʼ Jéeoba?

• Le yaabilaj eʼesaʼabtiʼoboʼ, ¿bix úuchik u yáantik u hijaʼob le kiik Myintoʼ?

¿Bix jeʼel a weʼesik a yaabiltmaj le kiikoʼob yaan teʼ múuchʼuliloʼ?