Le baʼaxoʼob ku taasik le jaats «Bix jeʼel a káajsik a tsikbaleʼ» jach maʼalob beetaʼaniloʼob. Yaʼab sukuʼunoʼob yéetel kiikoʼobeʼ tsʼoʼok u yilkoʼobeʼ jach ku taasik utsil u meyajtiʼob teʼ tuʼux ku kʼaʼaytajoʼoboʼ, chéen baʼaleʼ yaan tuʼuxoʼobeʼ maʼ bey u yúuchloʼ. Teʼ lugaroʼob beyoʼ, le kéen jóokʼok le sukuʼunoʼob kʼaʼaytajoʼ, jeʼel u páajtal u kʼexkoʼob junpʼíit le baʼax ku yaʼalik le jaats «Bix jeʼel a káajsik a tsikbaleʼ» wa jeʼel xan u páajtal u tʼaanoʼob tiʼ yaanal baʼaleʼ. Chéen baʼaleʼ le kéen yanak junpʼéel campaña especialeʼ jach unaj k-beetik le baʼax ku yaʼalaʼaltoʼonoʼ. Baʼax k-kaxtikeʼ ka k-tsʼoʼokbes le meyaj tu kʼubéentajtoʼon Jesúsoʼ (Mt 24:14).

Le kéen tsʼaʼabak junpʼéel asignación tiʼ máak teʼ muchʼtáambal ku beetaʼal ich semanaoʼ unaj u meyajtiʼ u tuukulil le jaats «Bix jeʼel a káajsik a tsikbaleʼ». Chéen baʼaleʼ wa minaʼan uláakʼ instruccióneʼ, jeʼel u páajtal u kʼeʼexel le tekstoʼob wa le preguntaʼob utiaʼal u maas taasik utsil teʼ tuʼux ku kʼaʼaytaj le múuchʼuliloʼ. Lelaʼ ku jeelintik le baʼax tu yaʼalaj U juʼunil xook tiʼ junio tiʼ 2020, página 8.